'బాహుబలి' ఇపుడే చూశా... హ్యాట్సాఫ్ 'రాజ'మౌళి అండ్ టీమ్ : శంకర్ షణ్ముగం
దర్శకధీరుడు రాజమౌళికి కోలీవుడ్ దిగ్గజ దర్శకుడు ఎస్.శంకర్ అలియాస్ శంకర్ షణ్ముగం అభినందనలు తెలిపారు. భారీ బడ్జెట్‌తో దర్శకధీరుడు రాజమౌళి తెరకెక్కించిన "బాహుబలి 2" సినిమా ప‌ట్ల సినీ ప్ర‌ముఖులు ప్రశంస‌ల జ
దర్శకధీరుడు రాజమౌళికి కోలీవుడ్ దిగ్గజ దర్శకుడు ఎస్.శంకర్ అలియాస్ శంకర్ షణ్ముగం అభినందనలు తెలిపారు. భారీ బడ్జెట్‌తో దర్శకధీరుడు రాజమౌళి తెరకెక్కించిన "బాహుబలి 2" సినిమా ప‌ట్ల సినీ ప్ర‌ముఖులు ప్రశంస‌ల జ‌ల్లు కురిపిస్తోన్న విష‌యం తెలిసిందే. ఇప్పుడు ఆ లిస్టులో దిగ్గజ దర్శకుడు శంకర్ కూడా చేరారు. ఈ చిత్రాన్ని చూసిన తర్వాత ఆయన ఓ ట్వీట్ చేశారు.
"తాను బాహుబలి-2 ఇప్పుడే చూశాన‌ని, భార‌తీయ సినిమా పరిశ్ర‌మ గ‌ర్వించ‌దగ్గ సినిమా" అని ఆయన అన్నారు. సినిమాలోని అన్ని అంశాలను అద్భుతంగా తీర్చిదిద్దార‌ని, దర్శకుడు రాజమౌళికి, ఈ సినిమా టీమ్‌కి హ్యాట్సాఫ్ అని శంకర్ కొనియాడారు.
కాగా, ఈ సినిమాపై ర‌జ‌నీకాంత్‌, క‌మ‌ల‌హాస‌న్‌, చిరంజీవి, నాగార్జు వంటి ఎందరో సినీ ప్ర‌ముఖులు ఇప్ప‌టికే ప్రశంస‌ల వ‌ర్షం కురిపించిన విష‌యం తెలిసిందే. అన్ని అంచ‌నాల‌కు త‌గ్గ‌ట్లుగానే బాహుబలి-2 రికార్డులు బ‌ద్ద‌లు కొడుతూ దూసుకెళుతోంది.