తెలుగు ఇండియన్ ఐడల్ -2023 కార్యక్రమం విజయవంతంగా ముగిసింది. ఆహా ఓటీటీలో నిర్వహించిన ఈ ప్రోగ్రామ్ సీజన్-2 పోటీల్లో సౌజన్య విజేతగా నిలిచింది.
లాస్యప్రియ రన్నరప్‌గా నిలిచింది. లాస్యప్రియ సిద్ధిపేట అమ్మాయి. దాంతో మంత్రి స్థానిక ఎమ్మెల్యే హరీష్ రావు స్పందించారు. సిద్ధిపేట ముద్దుబిడ్డ అంటూ లాస్యప్రియపై ప్రశంసల జల్లు కురిపించారు.
తెలుగు ఇండియన్ ఐడల్ కార్యక్రమంలో ఆమె రన్నరప్ అయినా.. లాస్యప్రియకు హృదయపూర్వక అభినందనలు అంటూ హరీశ్ రావు ట్వీట్ చేశారు. మున్ముందు లాస్యప్రియ మరిన్ని విజయాలు సాధించాలని ఆకాంక్షించారు.
తెలుగు సంగీతంలోని మాధుర్యాన్ని అద్భుతంగా ఆవిష్కరించిన గాయకులందరికీ గొప్ప భవిష్యత్ ఉండేలా దీవించాలని భగవంతుడిని కోరుకుంటున్నట్లు తెలిపారు.
ఇదిలా ఉంటే, తెలుగు ఇండియన్ ఐడల్ 2 షోలోని మొత్తం 25 ఎపిసోడ్‌ల కోసం 10 వేల మంది యువ గాయకులు తమ అదృష్టాన్ని పరీక్షించుకున్నారు.
అందులో ఐదుగురు మాత్రమే ఫైనల్‌కు చేరుకున్నారు. సౌజన్య, జయరామ్, లాస్యప్రియలతో పాటు న్యూజెర్సీకి చెందిన శృతి, హైదరాబాద్‌కు చెందిన కార్తికేయ టాప్-5లో చోటు దక్కించుకున్నారు.