హన్సిక మోట్వాని ప్రధాన పాత్ర లో రుధ్రాన్ష్ సెల్యూలాయిడ్ పతాకం పై ఒకే పాత్రతో సింగిల్ షాట్ ఫార్మేట్ లో నిర్మించిన చిత్రం "105 మినిట్స్" బొమ్మక్ శివ నిర్మాణంలో దర్శకుడు రాజు దుస్సా ఈ చిత్రాన్ని తెరకెక్కిస్తున్నారు. ప్రయోగాత్మకంగా రూపొందిస్తున్న ఈ చిత్రం మేకింగ్ పరంగా ప్రేక్షకులను సర్ ప్రైజ్ చేయబోతోంది. మంగళవారం హీరోయిన్ హన్సిక మోట్వానీ పుట్టినరోజు సందర్భంగా సినిమా నుంచి స్పెషల్ పోస్టర్ ను విడుదల చేశారు. ఈ పోస్టర్ డిజైన్ కొత్తగా ఉండి ఆకట్టుకుంటోంది. మరికొద్ది రోజుల్లో చిత్ర టీజర్ ను విడుదల చేయబోతున్నారు.
ఈ సందర్భంగా దర్శకుడు రాజు దుస్సా మాట్లాడుతూ... మా హీరోయిన్ హన్సిక గారికి టీమ్ అందరి తరుపున పుట్టినరోజు శుభాకాంక్షలు చెబుతున్నాం. ఆమె బర్త్ డే సందర్భంగా స్పెషల్ పోస్టర్ రిలీజ్ చేశాం. ఈ పోస్టర్ కు మంచి స్పందన వస్తోంది. త్వరలో టీజర్, ట్రైలర్ రిలీజ్ కార్యక్రమాలు ఉంటాయి. వైవిధ్యభరితమైన కథా కథనాలతో "105 మినిట్స్" చిత్రాన్ని రూపొందిస్తున్నాం. మేకింగ్ పరంగా సింగిల్ షాట్ ప్రయోగం చేశాం. సినిమాను చిత్రీకరించిన తీరు మీకు ఆశ్చర్యం కలిగిస్తుంది. ఒకే పాత్రతో సాగే ఈ సినిమాలో హన్సిక నటన మెస్మరైజ్ చేస్తుంది. ప్రస్తుతం నిర్మాణానంతర కార్యక్రమాలు పూర్తి అయ్యాయి. త్వరలో "105 మినిట్స్" సినిమాను విడుదలకు సిద్ధం చేస్తున్నాం. అన్నారు.
ఈ చిత్రానికి ప్రొడక్షన్ డిజైనర్ - బ్రహ్మ, సినిమాటోగ్రఫీ - దుర్గా కిషోర్, సంగీతం - సామ్ సీఎస్.