బాలీవుడ్ సినిమా జాలీ ఎల్ఎల్బీ తమిళ రీమేక్‌లో బొద్దుగుమ్మ హన్సిక టీచర్ రోల్‌ పోషిస్తోంది. టాలీవుడ్‌లో ఆఫర్లు సన్నగిల్లినా, కోలీవుడ్‌లో అగ్రనాయకిగా రాణిస్తున్న హన్సిక.. బాలీవుడ్ చిత్రం జాలీ ఎల్ఎల్బీ తమిళ రీమేక్‌లో నటించేందుకు ఓకే చెప్పేసింది. వినోదాత్మక కథాంశంతో తెరకెక్కిన ఈ సినిమా విమర్శకుల ప్రశంసలతో పాటు చక్కని విజయాన్ని సొంతం చేసుకుంది. ఈ సినిమాను తమిళంలో ఉదయనిధి స్టాలిన్ కథానాయకుడిగా రీమేక్ చేస్తున్నారు.
హిందీలో పాత్ర నిడివి తక్కువే అయినా తమిళంలో హన్సికను ఉన్న ఇమేజ్‌ను దృష్టిలో పెట్టుకుని పరిధిని విస్తరించినట్లు సమాచారం. ఈ పాత్ర శక్తివంతం కావడంతో హన్సిక ఈ సినిమా నటించేందుకు గ్రీన్ సిగ్నల్ ఇచ్చినట్లు తెలిసింది. ఈ నెలలోనే ఈ సినిమా షూటింగ్ ప్రారంభం కానుంది. ఉపాధ్యాయ వృత్తి అంటే తనకు చాలా ఇష్టమని అందుకే ఈ సినిమాలో ఉండేందుకు నటిస్తున్నానని చెప్పింది.