ఆ అనుమానంతో బుల్లితెరకు దూరమవుతున్న గెటప్ శ్రీను?

జబర్దస్త్ ఏ స్థాయిలో తెలుగు ప్రేక్షకులను మెప్పించిందో పెద్దగా చెప్పనవసరం లేదు. అందులో నటించిన వారిని ఏకంగా హీరోలనే చేసేసింది. వెండితెరపై ఆఫర్లు వచ్చేలా చేసింది. ఇప్పటికే సుడిగాలి సుధీర్‌తో పాటు చాలామందే హీరోలుగా ట్రై చేశారు కూడా. మిగిలిన వారు సినిమాల్లో నటిస్తూ ఉన్నారు. కొన్ని చిన్న క్యారెక్టర్లను చేస్తూ ఉన్నారు.

అయితే గత కొన్నిరోజులుగా గెటప్ శ్రీను షోలో కనిపించడం లేదు. దీంతో అభిమానులు గెటప్ శ్రీనుకు ఏదో అయ్యింది.. జబర్దస్త్‌కు ఇక రాడేమోనన్న ఆందోళనలో ఉన్నారు. అంతేకాదు గెటప్ శ్రీను తనతో పాటు  మరికొంతమందిని వెంటపెట్టుకుని వెళుతున్నారని ప్రచారం బాగానే సాగుతోంది.

ఈ నేపథ్యంలో గెటప్ శ్రీను స్పందించారు. తాను జబర్దస్త్‌‌ను వదిలి వెళ్ళడం లేదని..తనకు గుర్తింపు తెచ్చిన జబర్దస్త్‌‌ను నమ్ముకునే తాను ముందుకు వెళుతున్నానంటున్నాడు గెటప్ శ్రీను. ఈ మధ్య సెట్లో కొంతమంది కరోనా పాజిటివ్ వచ్చిందని.. తను చెక్ చేసుకుంటే నెగిటివ్ వచ్చిందని చెప్పారు.

అయితే వైద్యులు మాత్రం ఇంట్లోనే ఉండమని చెప్పారని.. హోం ఐసోలేషన్లో ఉంటే మంచిదని సలహా ఇచ్చినట్లు చెప్పుకొచ్చాడు. దీంతో తాను జబర్దస్త్‌ షోలో నటించడానికి వెళ్ళలేదంటున్నాడు గెటప్ శ్రీను. అనవసరంగా తనపై చేస్తున్న దుష్ర్పచారాన్ని మానుకోవాలంటున్నాడు.