''గీత గోవిందం'' ఓవర్.. నాగశౌర్యతో రొమాంటిక్ సినిమా.. హీరోయిన్?

''గీత గోవిందం'' సినిమా సూపర్ హిట్ అయిన సంగతి తెలిసిందే. యూత్ మధ్య క్రేజున్న హీరోను పట్టుకొచ్చి.. తమ బ్యానర్‌ సత్తాను మరోసారి నిరూపించుకుంది గీతా ఆర్ట్స్. అర్జున్ రెడ్డి మాంచి పేరు తెచ్చుకున్న విజయ్ దే

''గీత గోవిందం'' సినిమా సూపర్ హిట్ అయిన సంగతి తెలిసిందే. యూత్ మధ్య క్రేజున్న హీరోను పట్టుకొచ్చి.. తమ బ్యానర్‌ సత్తాను మరోసారి నిరూపించుకుంది గీతా ఆర్ట్స్. అర్జున్ రెడ్డి మాంచి పేరు తెచ్చుకున్న విజయ్ దేవరకొండతో గీత గోవిందం సినిమాను నిర్మించిన గీతా ఆర్ట్స్ మరో రొమాంటిక్ సినిమాను తెరకెక్కించేందుకు రంగం సిద్ధం చేస్తుంది. ఇందులో భాగంగా మరో క్రేజ్ హీరో నాగశౌర్యను కథానాయకుడిగా ఎంచుకుంది. 

ఇటీవల గీతా ఆర్ట్స్ నుంచి వచ్చిన గీత గోవిందం.. కొత్త కోణంలో ఆవిష్కరించబడిన ప్రేమకథా చిత్రంగా సరికొత్త ట్రెండ్‌ను సృష్టించింది. ఇదే తరహాలో సూపర్ రొమాంటిక్ సినిమాను తెరకెక్కించేందుకు గీతా ఆర్ట్స్ సిద్ధమైంది. ఇందులో కథానాయకుడిగా నాగశౌర్యను ఎంపిక చేసుకున్నారు. 

కథానాయిక ఎంపిక ప్రక్రియ కొనసాగుతోంది. తక్కువ బడ్జెట్ లోనే చేసే ఈ సినిమాను ఓ యువదర్శకుడికి అప్పగించనున్నట్టు తెలుస్తోంది. ఇప్పటికే కథా చర్చలు చివరి దశకి చేరుకున్నాయనీ, త్వరలోనే సెట్స్ పైకి వెళ్లే అవకాశం ఉందనే టాక్ వినిపిస్తోంది. ఇదిలా ఉంటే, స్టార్ హీరోలు అల్లు అర్జున్- మహేష్ బాబు కాంబోలో గీతా ఆర్ట్స్ సంస్థ ఓ కొత్త సినిమాను తెరకెక్కించే దిశగా రంగం సిద్ధం చేస్తోంది.