'బాహుబలి 2' చిత్రంపై తమిళ యువ దర్శకుడు విఘ్నేష్ శివన్ తనదైనశైలిలో స్పందించారు. ఈ చిత్రంలో ఐదు తప్పులున్నాయంటూ హీరోయిన్ నయనతార ప్రియుడైన ఈ దర్శకుడు ట్వీట్ చేశాడు. ఈ ట్వీట్ ఇపుడు సోషల్ మీడియాలో వైరల్‌గా
'బాహుబలి 2' చిత్రంపై తమిళ యువ దర్శకుడు విఘ్నేష్ శివన్ తనదైనశైలిలో స్పందించారు. ఈ చిత్రంలో ఐదు తప్పులున్నాయంటూ హీరోయిన్ నయనతార ప్రియుడైన ఈ దర్శకుడు ట్వీట్ చేశాడు. ఈ ట్వీట్ ఇపుడు సోషల్ మీడియాలో వైరల్‌గా మారింది. బాహుబలి చిత్రాన్ని వీక్షించిన ప్రతి ఒక్కరూ చిత్ర దర్శకుడు ఎస్ఎస్.రాజమౌళిని ప్రశంసల్లో ముంచెత్తున్నారు. కానీ, విఘ్నేష్ శివన్ మాత్రం మరోలా స్పందించడం గమనార్హం. ఇంతకీ ఈ కుర్ర దర్శకుడు ఏమన్నారో ఓసారి పరిశీలిద్ధాం.
బాహుబలి 2 చిత్రంలో మొదటి తప్పు... ఈ సినిమాను కేవ‌లం 120 రూపాయ‌ల‌కే చూడాల్సి రావ‌డం మొదటి తప్పు. అందుకు ప్ర‌తిగా నిర్మాత కోసం ప్ర‌తీ థియేట‌ర్ ద‌గ్గ‌రా ఓ క‌లెక్ష‌న్ బాక్స్‌ను ఏర్పాటు చేయాలి.
రెండో తప్పు... సినిమా ర‌న్‌టైం చాలా త‌క్కువ‌గా ఉంది. కేవ‌లం మూడు గంట‌ల్లోనే సినిమా పూర్త‌యిపోవ‌డాన్ని ఎవ‌రూ జీర్ణించుకోలేక‌పోతున్నారు.
మూడో తప్పు... ఎట్టి ప‌రిస్థితుల్లోనూ ఇదే చివ‌రి సినిమా అవ‌డానికి వీల్లేదు. ఈ సిరీస్‌లో మ‌రో ప‌ది సినిమాల‌ను చూడాల‌నుకుంటున్నాం.
నాలుగో తప్పు... టూ మ‌చ్ డిటెయిలింగ్ అండ్ ప‌ర్‌ఫెక్ష‌న్‌. ఈ దెబ్బ‌తో తాము గొప్ప‌వాళ్ల‌మ‌ని విర్ర‌వీగే ద‌ర్శ‌కులంద‌రూ త‌మ హెడ్ వెయిట్‌ను త‌గ్గించుకోవాల్సి ఉంటుంది.
ఐదో తప్పు.. బెంచ్‌మార్క్‌ను సెట్ చేయ‌డం చాలా క‌ష్టం. ఈ రికార్డుల‌ను అధిగ‌మించాలంటే చాలా కొన్నేళ్లు పడుతుంది అంటూ ఆయన పేర్కొన్నాడు.
నిజానికి బాహుబలి-2లోని త‌ప్పులను ఎత్తిచూపుతున్నానన్న నెపంతో దర్శకధీరుడిపై ప్రశంసల వర్షం కురిపించాడు. బాహుబలి-2 చూసి అంద‌రూ రాజమౌళిని ఆకాశానికి ఎత్తేస్తున్న నేప‌థ్యంలో విఘ్నేష్ ఇలా క్రియేటివ్‌గా త‌న ప్ర‌శంస‌ల‌ను అందించడం గమనార్హం.