క‌రోనా మ‌హ‌మ్మారి మ‌రో సినీ ప్ర‌ముఖుడ్ని కాటేసింది. పలు సినిమాలకు ఎడిట‌ర్‌గా ప‌నిచేసిన నాగ‌వ‌ర ప్రసాద్ శుక్ర‌వారం మ‌ధ్యాహ్నం 11గంట‌ల త‌ర్వాత చనిపోయారు. ఆయన కుటుంబంలో ఇద్ద‌రు పిల్ల‌లు, భార్య‌కు క‌రోనా సోకింది. ప్ర‌సాద్‌కూ క‌రోనా సోక‌డంతో వారంరోజుల‌పాటు చెన్నైలో ఆసుప‌త్రిలో చికిత్స పొందుతున్నారు. కోలుకుని తిరిగి ఇంటికి వ‌చ్చారు. ఇంటికి వ‌చ్చిన రెండో రోజే ఛాతిలో నొప్పి రావ‌డంతో కూలిపోయారు. ఈయ‌నకు ముగ్గురు పిల్ల‌లు.
ఈయ‌న సీనియ‌ర్ న‌టి ప్ర‌భ‌కు సోద‌రుడు. మ‌రో సోద‌రుడు సురేంద్ర హైద‌రాబాద్‌లోనే వుంటారు. ఈయ‌న మ‌ర‌ణ‌వార్త తెలిసి కూడా సురేంద్ర వెల్ల‌లేని ప‌రిస్థితి. క‌రోనా కార‌ణంగా లాక్‌డౌన్ వుండ‌డంతో గ‌త్యంత‌రంలేక ఇంటివ‌ద్ద‌నే వుండిపోవాల్సి వ‌చ్చింది. ప్రసాద్ పలు తెలుగు తమిళ సినిమాలకు ఎడిటర్ గా పని చేశారు. ఆయన చిరంజీవి సినిమాలకి కూడా పనిచేశారు. వీరి కుటుంబం దాస‌రి నారాయ‌ణ‌రావుకు బంధుత్వం కూడా వుంది.