మెగా డాటర్ నిహారిక రెండో పెళ్లి వివాహంపై ఆసక్తికర వ్యాఖ్యలు చేసింది. ముందుగా టీవీలో యాంకర్‌గా కెరియర్ ప్రారంభించిన ఈ క్యూట్ బ్యూటీ ఆ తర్వాత సినిమాల్లో, వెబ్ సిరీస్‌లలో నటించి మెప్పించింది. ఇటీవలే నిర్మాతగా కూడా మారింది. అయితే 2020 డిసెంబర్ 9వ తేదీన జొన్నలగడ్డ చైతన్యను ప్రేమించి పెళ్లి చేసుకుందీ ముద్దుగుమ్మ.
ఇరు కుటుంబాల మధ్య అంగరంగ వైభవంగా జరిగిన ఈ పెళ్లి ఎంతో కాలం నిలవలేదు. పెళైన ఏడాదిన్నరకే వీరిద్దరూ విడిపోయారు. తాజాగా ఈమె తన రెండో పెళ్లిపై కామెంట్లు చేసింది.
తాజాగా ఓ ఇంటర్వ్యూలో పాల్గొన్న నిహారిక మీరు రెండో పెళ్లి చేసుకుంటారా అని ప్రశ్నించగా... నాకు పిల్లలు కావాలనుకుంటున్నాను కాబట్టి చేసుకుంటానని చెప్పింది.
అయితే తనకు ప్రేమ మీద ఇంకా నమ్మకం ఉందని స్పష్టం చేసింది. ఇప్పుడే అది జరగదని నిహారిక వివరించింది. భవిష్యత్తులో మాత్రం కచ్చితంగా రెండోసారి పెళ్లి చేసుకుంటానని నిహారిక వెల్లడించింది.