తెరపైకి డిస్కోశాంతి సోదరి.. తొలి చిత్రంలోనే డాన్సర్‌గా...

80 దశకంలో సినిమాల్లో డిస్కో పాటలకు స్టెప్‌లు వేసి అలరించిన శాంతి.. డాన్స్‌నే ఇంటిపేరుగా చేసుకుని డిస్కో‌శాంతిగా పేరుగడించింది. శ్రీహరి భార్య అయిన తర్వాత సినిమాలకు దూరంగా ఉన్న ఆమె తన కుమారులను నటులుగా

80 దశకంలో సినిమాల్లో డిస్కో పాటలకు స్టెప్‌లు వేసి అలరించిన శాంతి.. డాన్స్‌నే ఇంటిపేరుగా చేసుకుని డిస్కో‌శాంతిగా పేరుగడించింది. శ్రీహరి భార్య అయిన తర్వాత సినిమాలకు దూరంగా ఉన్న ఆమె తన కుమారులను నటులుగా తయారుచేసే పనిలో ఉన్నారు. అయితే, శాంతి సోదరి సుచిత్ర కూడా ఆమె బాటలో పయనిస్తోంది. చెన్నైలో ఉండే సుచిత్ర.. తమిళంలో రెండు చిత్రాల్లో నటిస్తోంది.

కాగా, తెలుగులో వచ్చిన అవకాశాన్ని సద్వినియోగం చేసుకుంది. 'త్రివిక్రమన్‌' పేరుతో రూపొందిన చిత్రంలో ఆమె డాన్సర్‌గా అలరిస్తుంది. ఈ చిత్రంలో తాను చేసిన ఐటెమ్‌ సాంగ్‌ తనకు మరిన్ని అవకాశాలు తెస్తుందనే నమ్మకం ఉందని డిస్కో సుచిత్ర చెపుతోంది. కథానాయికగా అవకాశాలు వస్తే చేస్తానని ప్రకటిస్తున్న ఆమెకు తొలి సినిమానే డాన్సర్‌గా రావడంతో.. ఇకపై అలాంటి పాత్రలే వస్తాయోమోననీ.. అయినా నటిగా ఎటువంటి పాత్రను చేయడానికైనా సిద్ధంగా వున్నట్లు వెల్లడించింది.