పవర్ స్టార్ పవన్ కళ్యాణ్ ప్రస్తుతం వకీల్ సాబ్ మూవీ చేస్తున్నారు. వేణుశ్రీరామ్ డైరెక్షన్లో రూపొందుతోన్న ఈ చిత్రం హైదరాబాద్‌లో షూటింగ్ జరుపుకుంటుంది. సంక్రాంతికి వస్తుందనుకున్న ఈ మూవీ సమ్మర్‌కి రానుందని వార్తలు వస్తున్నాయి. అయితే.. రిలీజ్ డేట్ పైన అఫిషియల్ ఎనౌన్స్‌మెంట్ రాలేదు. ఈ సినిమా తర్వాత పవన్ కళ్యాణ్ అయ్యప్పన్ కోషియమ్ రీమేక్‌లో నటించనున్నారు.
ఈ చిత్రాన్ని సితార ఎంటర్టైన్మెంట్స్ సంస్థ నిర్మిస్తుంది. ఈ చిత్రానికి యంగ్ డైరెక్టర్ సాగర్ చంద్ర దర్శకత్వం వహిస్తున్నారు. ఈ సినిమాలో పవన్ కళ్యాణ్‌తో పాటు మరో హీరో కూడా ఉంటారు. ఆ హీరో రానా అని ముందు నుంచి వినపడుతుంది. అయితే... రానా ఇందులో నటించనున్నాడా లేదా అనేది తెలియాల్సివుంది. ఈ సినిమా గురించి ఓ వార్త ప్రచారంలోకి వచ్చింది.
అది ఏంటంటే... పవన్ క్యారెక్టర్‌ని పెంచి.. మిగిలిన హీరో క్యారెక్టర్ తగ్గిస్తున్నారని. ప్రచారంలో ఉన్న ఈ వార్తలపై డైరెక్టర్ సాగర్ చంద్ర స్పందించారు. ఇంతకీ... ఏమన్నారంటే తను ఒక పవన్ అభిమానిగా ఈ సినిమా కోసం ఎదురుచూస్తున్నాను. అలాగే ఒక అభిమానిగా ఆయన్ని ఎలా చూడాలనుకుంటానో అలా ఈ సినిమాలో చూపిస్తున్నాను అన్నారు.
మన నేటివిటీకి తగ్గట్టుగా చాలా మార్పులు చేశామని... ఈ సినిమాలో ఉండే ఇంపార్టెంట్ రోల్స్‌ను కూడా బాగా డిజైన్ చేశామని తెలిపారు. ఈ చిత్రానికి సెన్సేషనల్ డైరెక్టర్ ఎస్ఎస్ థమన్ సంగీతం అందిస్తున్నారు.