Webdunia - Bharat's app for daily news and videos

Install App

దిల్ రాజు నిజంగానే ట్రాక్ తప్పారా? టాలీవుడ్ ప్రముఖుల ఫీలింగ్ ఏంటి?

ఠాగూర్
మంగళవారం, 5 నవంబరు 2024 (10:35 IST)
తెలుగు చిత్రపరిశ్రమలోని ప్రముఖ బడా నిర్మాతల్లో దిల్ రాజు ఒకరు. ఆయన స్టార్ ప్రొడ్యూసర్. ఆయన నిర్మించే చిత్రాల్లో హీరోగా నటించాలని ప్రతి ఒక్క హీరోతో పాటు హీరోయిన్‌ ఆశపడతారు. కారణం.. వైవిధ్యభరితమైన కథలతో, కొత్త దర్శకతులతో చిత్రాలను నిర్మించి ఎన్నో మరిచిపోలేని ఘన విజయాలను సొంతం చేసుకున్నారు. 
 
కొత్త కథలతో సినిమాలు తీయడంలో నవతరం ప్రేక్షకుల నాడి పట్టుకోవడంలో దిల్ రాజుది పైచేయి. అయితే, ఇదంతా ఒకప్పటి మాట. ఇపుడు దిల్ రాజు కూడా రెగ్యులర్ కమర్షియల్ చిత్రాల నిర్మాతల బాటలో పయనిస్తున్నారు. కొత్త దర్శకులతో తన అభిరుచికి తగిన విధంగా చిత్రాలను నిర్మించేందుకు ఆయన ఆసక్తి చూపడం లేదు. ఈ విషయాన్ని ఆయన గ్రహించినట్టున్నారు. అందుకే తాను ట్రాక్ తప్పాను అంటూ స్వయంగా వెల్లడించారు. 
 
దుల్కర్ సల్మాన్ - మీనాక్షి చౌదరి కాంబినేషన్‌లో వెంకీ అట్లూరి దర్శకత్వంలో వచ్చిన చిత్రం "లక్కీ భాస్కర్". ఈ చిత్రం సక్సెస్ వేడుకలు తాజాగా జరిగాయి. ఇందులో పాల్గొన్న దిల్ రాజు మాట్లాడుతూ, "ఈ మధ్య నేను ట్రాక్ తప్పాను. నన్ను నేను వంశీలో చూసుకుంటున్నాను" అని ఎంటువంటి మొహమాటం, భేషజాలు లేకుండా తన మనసులోని భావాలను వ్యక్తం చేశారు. 
 
దిల్ రాజు వంటి బడా నిర్మాత వెంట ఈ తరహా మాటలు రావడంతో ప్రతి ఒక్కరూ విస్తుపోయారు. పైగా, ఆ మధ్య 'మహారాజా' చిత్రం ప్రమోషన్ కార్యక్రమాల్లో దర్శకుడు బుచ్చిబాబు మీరు ఎవరినైనా మిస్ అవుతున్నారా అని హీరో విజయ్ సేతుపతిని అడిగిన ప్రశ్నకు "నన్ను నేనే మిస్ అవుతున్నాను" అని చెప్పిన సమాధానాన్ని ఇపుడు ప్రతి ఒక్కరూ గుర్తుకు తెచ్చుకున్నారు. 
 
'మహారాజా' సినిమా ప్రమోషన్‌లో భాగంగా జరిగిన ఇంటర్వ్యూలో విజయ్ సేతుపతి మాట్లాడుతూ, తనను తాను మిస్ అవుతున్నాననే ఫీలింగ్ ఉన్న వాళ్లందరినీ కదిలించింది. సో... ఇపుడు దిల్‌ రాజు కూడా తనను తాను మిస్‌ అవుతున్నాననే ఫీలింగ్‌లో ఉన్నాడేమో అనిపించింది. 
 
కానీ దిల్‌ రాజును మళ్లీ అందరూ విజయాల రాజుగా చూడాలని.. ఆయన నుంచి మరిన్ని మరపురాని సినిమాలు రావాలని ఆశిస్తున్నారు. అయితే ఇదంతా దిల్‌ రాజు తెలియని కొత్త విషయమేమీ కాదు. తప్పకుండా హీ విల్‌ బ్యాక్‌ విత్‌ బ్యాంగ్‌!.

సంబంధిత వార్తలు

అన్నీ చూడండి

తాజా వార్తలు

Hailstorm: తెలంగాణలో తీవ్రమైన వడగళ్ల వానలు.. తీవ్ర నష్టం.. దెబ్బతిన్న మామిడి తోటలు

కండోమ్‌లలో రూ.11 కోట్ల విలువైన లిక్విడ్ కొకైన్.. బ్రెజిల్ మహిళా ప్రయాణీకురాలి లగేజీలో?

Girl kills Boy: బెర్రీలు తెస్తానని చెప్పి.. నాలుగేళ్ల బాలుడిని హతమార్చిన 13 ఏళ్ల బాలిక

వడను పంచుకున్న సీఎం చంద్రబాబు దంపతులు (video)

మంత్రి ఫరూఖ్‌కు భార్యావియోగం... చంద్రబాబు - పవన్ సంతాపం

అన్నీ చూడండి

ఆరోగ్యం ఇంకా...

చియా గింజలు ఎందుకు తినాలో తెలుసా?

ఉసిరి సైడ్ ఎఫెక్ట్స్, ఏంటో తెలుసా?

పుదీనా రసంలో యాలకుల పొడి తాగితే కలిగే ప్రయోజనాలు

పండ్లను ఖాళీ కడుపుతో తినవచ్చా?

కివీ పండు స్త్రీలు తింటే ఫలితాలు ఏమిటి?

తర్వాతి కథనం
Show comments