విజయ్ దేవర కొండ కొత్త చిత్రం ''అర్జున్ రెడ్డి'' ప్రారంభం

‘ఎవడే సుబ్రమణ్యం’ చిత్రంలో డిఫరెంట్ క్యారెక్టర్ లో మెప్పించిన విజయ్ దేవర కొండ హీరోగా నూతన చిత్రం అర్జున్ రెడ్డి. ఈ చిత్రం మే 11న హైదరాబాద్లో పూజా కార్యక్రమాలను జరుపుకుంది. భ్రదకాళి పిక్చర్స్ బ్యానర్‌పై సందీప్ దర్శకత్వంలో ప్రణయ్ నిర్మాతగా ఈ చిత్రాన్ని నిర్మిస్తున్నాడు. షాలిని హీరోయిన్‌గా నటిస్తుంది. సినిమా ప్రారంభమైన రోజునే సినిమా పస్ట్ లుక్ పోస్టర్‌ను విడుదల చేశారు. డిఫరెంట్ లవ్ అండ్ యాక్షన్ స్టోరీ తో రూపొందనున్న ఈ చిత్రం జూన్ నుండి రెగ్యులర్ షూటింగ్‌ను జరుపుకోనుంది. 

ఈ చిత్రాన్ని హైదరాబాద్, మంగళూర్, డెహ్రడూన్, ఢిల్లీతో పాటు ఇటలీలో చిత్రీకరణ జరుపుకోనుంది. ఈ చిత్రానికి యువ సంగీత దర్శకుడు రధన్ సంగీతాన్ని అందిస్తుండగా, నగేష్ బన్నేల్ సినిమాటోగ్రఫీ అందిస్తున్నారు. 

విజయ్ దేవర కొండ ఇప్పుడు ‘పెళ్లిచూపులు’ చిత్రంతో త్వరలోనే ప్రేక్షకులను పలకరించనున్నారు. రీసెంట్ గా విడుదలైన ఈ సినిమా టీజర్ కు ఆడియెన్స్ నుండి చాలా మంచి స్పందన వచ్చింది. ఇప్పుడు అర్జున్ రెడ్డి అనే డిఫరెంట్ సినిమాతో ప్రేక్షకుల ముందుకు రావడానికి రెడీ అవుతున్నారు.