విజయ్ దేవరకొండ టాలీవుడ్ 'ముద్దుల' హీరో... నవ్వుతున్న రష్మిక
సోమవారం, 25 మార్చి 2019 (13:13 IST)
విజయ్ దేవరకొండ, రష్మిక జోడి కట్టిన విషయం అందరికీ తెలిసిందే. 'గీత గోవిందం' చిత్రంలో వీరిద్దరి నటనకు ప్రతి ఒక్కరూ వీరికి ఫ్యాన్స్‌గా మారిపోయారు. అలాంటిది.. ఇప్పుడు మళ్లీ 'డియర్ కామ్రేడ్' చిత్రంలో రష్మిక, విజయ్‌కి జోడిగా నటిస్తోంది. ఈ సినిమాకు సంబంధించిన ఓ ముద్దు సీన్ సోషల్ మీడియాలో లీక్ కావడంతో విమర్శలు వెల్లువెత్తాయి.
తాజాగా ఈ లీక్‌పై రష్మిక స్పందిస్తూ.. లిప్‌లాక్ సీన్‌తో సినిమాని అంచనా వేయడం అంత మంచిది కాదు.. పాత్ర డిమాండ్ చేసింది. కనుకనే నేను నా పాత్రకు న్యాయం చేశానని చెప్పారు. గీత గోవిందాన్ని ఆదరించినట్టుగానే ఈ చిత్రాన్ని కూడా అలాగే ఆదరిస్తారనుకుంటున్నానని చెప్పుకొచ్చారు.
ఈ ముద్దు సీన్‌లో రష్మికతో పాటు ట్రోల్ అయిన విజయ్ దేవరకొండ కూడా దానిపై ఇప్పటికే క్లారిటీ ఇచ్చాడు. తను నటించిన 'అర్జున్‌రెడ్డి' నుండి విడుదలకు సిద్ధంగా ఉన్న 'డియర్ కామ్రేడ్' సినిమాల వరకు లిప్‌లాక్ లేకుండా ఒక్క సినిమా కూడా లేదు. దీంతో అందరూ విజయ్‌ని ముద్దుగా టాలీవుడ్ ఇమ్రాన్ హష్మీగా పిలుచుకుంటున్నారు. కానీ, విజయ్ మాత్రం ఇప్పటివరకు వస్తున్న వార్తలపై నోరు మెదపలేదు.
డియర్ కామ్రేడ్ సినిమా విషయానికొస్తే.. కాలేజీ నేపథ్యంలో సాగే పొలిటికల్ డ్రామా కథ ఇది. విజయ్ దేవరకొండ, రష్మిక విద్యార్థి నాయకులుగా ప్రధాన పాత్రలు పోషిస్తున్న ఈ సినిమాను ప్రపంచవ్యాప్తంగా మే 31వ తేదీన విడుదల చేయడానికి సన్నాహాలు సాగిస్తున్నారు.