పవన్ చిత్రానికి తప్పని లీకుల బెడద... "భీమ్లా నాయక్" నుంచి డ్యాన్స్ బీట్ రిలీజ్

పవర్ స్టార్ పవన్ కళ్యాణ్ చిత్రానికి కూడా లీకుల బెడద తప్పలేదు. తాజాగా ఆయన నటిస్తున్న కొత్త చిత్రం "భీమ్లా నాయక్‌"లోని ఓ పాటకు సంబంధించిన డ్యాన్స్ స్టెప్పుల ఫోటోలు (డ్యాన్స్ బీట్) సోషల్ మీడియాలో హల్చల్ చేస్తున్నాయి. ఈ విషయంపై పవన్ అభిమానులు సోషల్ మీడియాలో రకరకాలుగా కామెంట్స్ చేస్తున్నారు. 

కొత్త చిత్రాల్లోని పాటలు, డ్యాన్స్ బీట్స్, ఇతర సన్నివేశాలు లీక్ కాకుండా మరింతగా పటిష్టమైన చర్యలు తీసుకోవాలని నెటిజన్లు అభిప్రాయపడుతున్నారు. అదేసమయంలో ఈ ఆడియో సాంగ్ విడుదల కోసం మెగా అభిమానులు ఆతృతగా ఎదురు చూస్తున్నారు. 

ఇదిలావుంటే, హీరో మహేష్ బాబు నటించిన "సర్కారువారి పాట" చిత్రంలోని కళావతి పూర్తి సాంగ్‌ను ఇంటర్నెట్‌లో లీక్ చేసిన విషయం తెల్సిందే. ఈ పాటను ప్రేమికుల దినోత్సవం సందర్భంగా సోమవారం విడుదల చేసేలా చిత్రబృందం చర్యలు తీసుకుంది. కానీ, ఆ చిత్రం కోసం పని చేసిన ఓ టెక్నీషియన్ ముందుగానే ఈ సాంగ్‌ను రిలీజ్ చేసి దర్శకనిర్మాతలకు షాకిచ్చారు.