వర్మ టీమ్‌లో కరోనా, ఇది నిజమేనా..?

సంచలన దర్శకుడు రామ్ గోపాల్ వర్మ కరోనా టైమ్‌లో కూడా వరుసగా సినిమాలు తీస్తూ... వాటిని ఓటీటీలో రిలీజ్ చేస్తూ... సెన్సేషన్ క్రియేట్ చేస్తున్నారు. క్లైమాక్స్, నగ్నం చిత్రాలను రిలీజ్ చేసి సక్సెస్ సాధించారు. 12 ’o’ CLOCK అంటూ భయపెట్టేందుకు ముందుకు వస్తున్నారు.

ఈ మూవీ ట్రైలర్ చూస్తుంటే... చాలా సంవత్సరాల తర్వాత వర్మ మనసు పెట్టి సినిమా తీసారనిపిస్తుంది. ఈ మూవీకి స్వరవాణి కీరవాణి సంగీతం అందించడం విశేషం. ఇదిలా ఉంటే... వర్మ టీమ్‌లో ఓ వ్యక్తికి కరోనా పాజిటివ్ అని.. అందుచేత వర్మ తన వర్క్ అంతా ఆపేసారని వార్తలు వచ్చాయి.

ఆ వార్తలపై వర్మ స్పందిస్తూ... టీమ్ మెంబర్స్ అందరికీ కరోనా టెస్ట్‌లు చేసిన తర్వాత నెగిటివ్ అని వచ్చింది. అప్పుడు వర్క్ స్టార్ట్ చేసాం. మా టీమ్ మెంబర్స్‌కి కరోనా వచ్చిందని వస్తున్న వార్తల్లో వాస్తవం లేదు అని వర్మ ట్విట్టర్ ద్వారా తెలియచేసారు. కరోనా కారణంగా సినీ ప్రముఖులు షూటింగ్‌లు ఆపేసి ఇంట్లో ఖాళీగా కూర్చుంటే వర్మ మాత్రం వరుసగా సినిమాలు తీస్తూ... ఫుల్ బిజీగా ఉన్నారు. ఇంకా చెప్పాలంటే... కరోనా టైమ్‌ని ఓటీటీని ఫ్లాట్ఫామ్‌ని తనదైన స్టైల్లో ఉపయోగించుకుంటూ మరోసారి తనక తానే సాటి అని నిరూపించారు రామ్ గోపాల్ వర్మ.