సోనూసూద్ బాటలో అలీ.. 130 మంది మహిళలకు నిత్యావసర సరుకులు

Ali

స్టార్ హీరో సోనూసూద్‌ను చాలామంది స్ఫూర్తిగా తీసుకుంటున్నారు. తాజాగా అలీ కూడా అదే బాటలో పయనిస్తున్నారు. కరోనా మహమ్మారి వ్యాప్తికి సామాన్యుల నుంచి సెలబ్రిటీల వరకూ అందరూ ఆర్థికంగా నష్టపోయారు. దీంతో పూట కూడా గడవడం చాలా కష్టంగా ఉన్న వారు అనేక మంది ఉన్నారు. సినీ పరిశ్రమలోనూ షూటింగ్‌కు వెళ్తేనే రోజు గడుపుకునే వారు ప్రస్తుతం షూటింగ్స్ లేక రోజువారీ సరుకులు కొనుగోలు చేయలేనంత ఇబ్బందుల్లో ఉన్నారు. 

అటువంటి వారికి చేయూతగా సోనూసూద్ లాంటి వ్యక్తులు నిలుస్తుంటే.. తన శక్తి మేర ప్రముఖ నటులు అలీ కూడా ముందుకొచ్చారు. తెలుగు సినిమా ఉమెన్‌ ప్రొడక్షన్‌ యూనియన్‌కు సంబంధించిన 130 మంది మహిళలకు తన భార్య జుబేదా చేతుల మీదుగా నిత్యావసర సరుకులు సాయంగా అందించారు.

మా కన్నా ముందే లొకేషన్‌లో ఉండే లేడీస్ సెట్‌లో అందరూ తినే ప్లేట్స్, కప్పులు శుభ్రం చేస్తుంటారు. లాక్‌డౌస్ వలన వారంతా ఇబ్బందుల్లో ఉన్నారని తెలిసింది. తన వంతు సాయంగా రూ. 2 లక్షలతో సాయం చేయాలని నిర్ణయించుకున్నా అని అలీ వివరించారు.