సంక్రాంతి వార్‌లో 15 సార్లు తలపడిన చిరంజీవి - బాలకృష్ణ... పైచేయి ఎవరిది?

సంక్రాంతి కురుక్షేత్రంలో మెగాస్టార్ చిరంజీవి, యువరత్న బాలకృష్ణలు మరోమారు తలపడనున్నారు. ఇప్పటివరకు 15 సార్లు వీరిద్దరు తలపడ్డారు. ఇపుడు 16వ సారి మరోమారు అమీతుమి తేల్చుకునేందుకు సిద్ధమయ్యారు. అదీ కూడా ఓ

సంక్రాంతి కురుక్షేత్రంలో మెగాస్టార్ చిరంజీవి, యువరత్న బాలకృష్ణలు మరోమారు తలపడనున్నారు. ఇప్పటివరకు 15 సార్లు వీరిద్దరు తలపడ్డారు. ఇపుడు 16వ సారి మరోమారు అమీతుమి తేల్చుకునేందుకు సిద్ధమయ్యారు. (వీరబ్రహ్మేంద్ర స్వామి - అగ్నిగుండం చిత్రంతో కలుపుకుంటే ఈ సంఖ్య 17గా ఉంది. అయితే, సీనియర్ ఎన్టీఆర్ దర్శకత్వం వహించిన వీరబ్రహ్మేంద్ర స్వామి చిత్రంలో బాలకృష్ణ సిద్ధయ్య పాత్రను మాత్రమే పోషించాడు. అంటే పూర్తి స్థాయి హీరో కాదు). అదీ కూడా ఓ దశాబ్దన్నరకాలం తర్వాత వీరిద్దరి చిత్రాలు సంక్రాంతి బరిలో ఉండటంతో ఇపుటు హాట్‌టాపిక్‌గా మారింది. కాగా, ఇప్పటివరకు సంక్రాంతి రేస్‌లో నిలిచిన చిరంజీవి బాలకృష్ణలకు చెందిన చిత్రాల వివరాలను పరిశీలిస్తే...

1984 జనవరి నెలలో మంగమ్మగారి మనువడు - ఇంటిగుట్టు. 1984 డిసెంబర్ నెలలో కథానాయకుడు - రుస్తుం చిత్రాలు విడుదలయ్యాయి. 1985లో ఆత్మబం - చట్టంతో పోరాటం, 1986లో నిప్పులాంటి మనిషి - కొండవీటిరాజా, 1986లో అపూర్వసహోదరులు - రాక్షసులు, 1987లో భార్గవరాముడు - దొంగమొగుడు, 1987లో రాము - పసివాడి ప్రాణం, 1988లో ఇన్‌స్పెక్టర్ ప్రతాప్ - మంచిదొంగ, 1988లో రాముడుభీముడు - యుద్ధభూమి, 1997లో పెద్దన్నయ్య - హిట్లర్, 2000లో వంశోద్ధారకుడు - అన్నయ్య, 2001లో నరసింహనాయుడు - మృగరాజు, 2001లో భలేవాడివి బాసు - శ్రీమంజునాథ, 2004లో లక్ష్మీనరసింహా - అంజి చిత్రాలు విడుదల కాగా, ఈ సంక్రాంతి రేసులో 2017లో గౌతమిపుత్ర శాతకర్ణి - ఖైదీ నంబర్ 150లు విడుదలకు సిద్ధమయ్యాయి. ఈ రెండు చిత్రాలు ఒక్క రోజు వ్యవధిలో వెండితెరపై ప్రదర్శితం కానున్నాయి.