కంప్లీట్ బెడ్ రెస్ట్‌లోకి వెళ్లనున్న మెగాస్టార్ చిరంజీవి

మెగాస్టార్ చిరంజీవి పూర్తిగా బెడ్ రెస్ట్‌లోకి వెళ్లనున్నారు. ఇటీవల ఆయన చికెన్ గున్యా జ్వరం బారినపడిన విషయం తెల్సిందే. ఆ సమయంలో బాడీ పెయిన్స్, జాయింట్ పెయిన్స్‌తో తీవ్రంగా ఇబ్బందిపడ్డారు. 

తాను నటిస్తున్న కొత్త చిత్రం "విశ్వంభర"కు సంబంధించి ఆయన చేయాల్సిన వర్క్ పూర్తయిందని చిత్రం బృందం ప్రకటించింది. కానీ, డాన్స్ మూమెంట్స్ చిత్రీకరించాల్సి ఉందని సమాచారం. అయితే అనారోగ్య కారణాల వల్ల చిరంజీవి ఇప్పుడు షూటింగ్ చేయలేని పరిస్థితి నెలకొంది. మరోపక్క "విశ్వంభర" సైతం రిలీజ్‌ను వాయిదా పడిన విషయం తెల్సిందే. 

వైద్యుల సూచన మేరకు రెండు నెలలపాటు విశ్రాంతి తీసుకుని,‌ పూర్తి ఫిట్నెస్‌ను పొందాలని యోచించారని తెలిపారు. ఈ టైమ్‌లో తన అప్ కమింగ్ సినిమాల స్క్రిప్ట్ వర్క్ డిస్కషన్స్ చేస్తారని తెలుస్తొంది. ఇప్పటికే మోహన్ రాజా, హరీష్ శంకర్‌ల కాంబోలో చిరంజీవి సినిమాలు ఉంటాయని ప్రచారం జరుగుతోంది. అనారోగ్యం నుంచి పూర్తిగా కోలుకున్న తర్వాత ఆ సినిమా చిత్రీకరించాలని భావిస్తున్నారు.