కొల్‌కొత్తా బ్యాక్‌ డ్రాప్‌తో చూడాలనివుంది చిత్రం గతంలో మెగాస్టార్‌ చిరంజీవి చేశారు. మరలా ఇన్నేళ్ళకు అదే బ్యాక్‌డ్రాప్‌తో క్యాబ్‌డ్రైవర్‌గా చిరంజీవి నటిస్తున్నారు. నిన్ననే ఈ చిత్ర షూటింగ్‌ కోసం స్పెషల్‌జెట్‌లో హైదరాబాద్‌ నుంచి దర్శకుడు మెహర్‌ రమేష్‌, చిరంజీవి వెళ్ళారు. మిగిలిన టీమ్‌ వేరే ఫ్లయిట్‌లో వచ్చారు. గురువారంనాడు చిరంజీవిపై కొన్నిసన్నివేశాలను చిత్రీకరించామని దర్శకుడు ట్వీట్‌ చేసి ఫొటోలు పోస్ట్‌ చేశాడు.
chiru-mehar ramesh
తమన్నా హీరోయిన్‌ నటిస్తుండగా కీర్తిసురేష్‌ కీలక పాత్ర పోషిస్తోంది. తమిళ వేదాళం సినిమాకు బోళాశంకర్‌ రీమేక్‌. ఇప్పటికే ఈ సినిమాలో చాలా షూటింగ్‌ పార్ట్‌ పూర్తయింది. కొల్‌కత్తా మహా నగరిలో కీలక సన్నివేశాలు తీస్తున్నారు. చిరంజీవి సినిమాలకు మణిశర్మ బాణీలు సమకూర్చేవారు. ఇప్పుడు ఆయన వారసుడు మహతీ స్వరసాగర్‌ బాణీలు ఇవ్వడం విశేషం. ఎ.కె.ఎంటర్‌టైన్‌మెంట్‌ పై అనిల్‌ సుంకర నిర్మిస్తున్నారు.