క్రికెట్ దిగ్గజం సచిన్ టెండూల్కర్, మెగాస్టార్ చిరంజీవి, మన్మథుడు నాగార్జున, అగ్రనిర్మాత అల్లు అరవింద్, ప్రముఖ వ్యాపారవేత్త నిమ్మగడ్డ ప్రసాద్, అందరూ ఒకేచోట చేరితే ఇంకేమన్నాఉందా అభిమానులకు కనులపండుగే. ఇటీవలే తిరుమల శ్రీవారిని దర్శించుకున్న ఈ సెలబ్రిటీలు పసుపు రంగులో ఉన్న దుస్తులు ధరించి సెల్ఫీ తీసుకున్నారు.
ఒక సెలబ్రిటి తన సెల్ఫీ తీసుకొంటేనే జనాలు ఆనందంతో ఉబ్బితబ్బిబైపోతారు. అలాంటిది ఒకేసారి నలుగురు సెలబ్రిటిలు కలిసి సెల్ఫీ దిగితే అది మహాద్భుతం. ఈ అరుదైన సెల్ఫీని నాగార్జున ట్విట్టర్ ద్వారా అభిమానులతో పంచుకున్నారు. సచిన్ స్థాపించిన కేరళ బ్లాస్టర్స్ ఫుట్‌బాల్ క్లబ్ (కేబీఎఫ్‌సీ)లో చిరంజీవి, నాగార్జున, నిమ్మగడ్డ ప్రసాద్, అల్లు అరవింద్ బిజినెస్ పార్ట్‌నర్స్‌గా చేరిన విషయం తెలిసిందే.