M.M. Keeravani, P Vasu, Vadivelu, Lawrence and others
సూపర్ స్టార్ రజనీకాంత్ నటించిన చంద్రముఖి చిత్రం ఎంత క్రేజ్ తెచ్చుకుందో తెలిసిందే. క‌న్న‌డ సినిమాను రీమేక్ చేసినా రజనీకాంత్ వ‌ల్ల బ్లాక్ బ‌స్ట‌ర్ అయింది. తమిళం, తెలుగు భాషల్లో క్లాసిక్ హిట్‌గా నిలిచింది. 2005లో వాసు ద‌ర్శ‌క‌త్వంలో రూపొందిన ఈ చిత్రం మ‌ర‌లా 17 సంవ‌త్స‌రాల‌కు పార్ట్‌2గా తెర‌కెక్కుతోంది. ఇటీవ‌లే రజనీకాంత్ ఆశీస్సులు తీసుకొని ఈ చిత్రం షూటింగ్ ప్రారంభించారు
రాఘవ లారెన్స్‌తో చంద్రముఖి 2 కు పి వాసు దర్శకత్వం వహించ‌డం విశేషం. లారెన్స్ కాంచ‌న, గంగ, ముని2 వంటి ఈ త‌ర‌హా చిత్రాలు చేయ‌డంతో ఈసారి ఆయ‌న్నే లీడ్ రోల్ తీసుకున్న‌ట్లు తెలుస్తోంది. తాజా విశేషం ఏమంటే, మంగ‌ళ‌వారంతో మైసూర్‌లో మొదటి షెడ్యూల్‌ను ముగించారు. ఈ సినిమాలో లక్ష్మీ మీనన్ కథానాయికగా నటిస్తోంది. లైకా ప్రొడక్షన్స్ నిర్మిస్తోంది. ఈ హారర్ మూవీకి ఎంఎం కీరవాణి సంగీతం అందించనున్నారు. ఇందులో వ‌డివేలు కూడా న‌టిస్తున్నారు.