యంగ్ హీరోయిన్లకు సవాల్ విసురుతున్న కేథరిన్.. డబ్బింగ్‌లో?

ఇద్దరమ్మాయిలతో, సరైనోడు వంటి హిట్ సినిమాల్లో నటించినప్పటికీ.. ఖైదీలో ఐటమ్ సాంగ్ మిస్ చేసుకున్న కేథరిన్‌కు కెరీర్ అంతంతమాత్రంగానే ఉంది. గ్లామర్ ఉన్నప్పటికీ.. అవకాశాలు అమ్మడుకు అంతంత మాత్రంగానే ఉన్నాయి.

ఇద్దరమ్మాయిలతో, సరైనోడు వంటి హిట్ సినిమాల్లో నటించినప్పటికీ.. ఖైదీలో ఐటమ్ సాంగ్ మిస్ చేసుకున్న కేథరిన్‌కు కెరీర్ అంతంతమాత్రంగానే ఉంది. గ్లామర్ ఉన్నప్పటికీ.. అవకాశాలు అమ్మడుకు అంతంత మాత్రంగానే ఉన్నాయి. ప్రస్తుతం దాంతో రూటు మార్చి యంగ్ హీరోయిన్లని సవాల్ చేస్తోంది కేథరిన్. ప్రస్తుతం గోపీచంద్‌తో చేస్తోన్న 'గౌతమ్ నంద' మూవీకి తనే సొంతంగా డబ్బింగ్ చెప్పుకుంటోంది.

సమంత, కీర్తి సురేష్, రాశి ఖన్నా లాంటి హీరోయిన్ల ఇప్పటికీ సొంతంగా డబ్బింగ్ చెప్పలేక అరువు గొంతుల మీద ఆధారపడుతున్నారు. ఈ కోణంలో చూస్తే కేథరిన్ వీళ్లకంటే బెటరనే ముద్ర వేసుకుంటోంది. తన పాత్రకు తానే గొంతు ఇవ్వాలనుకుంది. అందులో సక్సెస్ కూడా అయినట్లు సమాచారం. డబ్బింగ్ చెప్పడం కొత్త అనుభూతినిచ్చిందని కేథరిన్ సన్నిహితులతో చెప్పుకుందట. తెలుగు భాష అంతగా రాకపోయినా.. దర్శకుని ప్రోత్సాహంతో డబ్బింగ్ చెప్పుకున్నానని కేథరిన్ ఫ్రెండ్స్‌తో గొప్పగా చెప్పుకుంటుందట.