కోలీవుడ్‌ క్యాస్టింగ్ ప్రొడ్యూసర్ రాసలీలలు.. ఛాన్సులు ఇస్తానని.. అలా వాడుకునేవాడట..

సినీ ఇండస్ట్రీని ఇప్పటికే సుచీలీక్స్, శ్రీలీక్స్, మీటూ వివాదాలు చుట్టుముట్టిన నేపథ్యంలో కోలీవుడ్‌కు చెందిన క్యాస్టింగ్ డైరక్టర్ మోహన్ అనే వ్యక్తిపై ఓ యువతి లైంగిక వేధింపుల కేసు నమోదు చేసింది. ఇందుకు తగిన వీడియో, ఆడియో ఆధారాలను పోలీసులకు సమర్పించింది. ఛాన్సుల కోసం వచ్చే యువతులను లొంగదీసుకుని మోహన్ అనే వ్యక్తి జరిపిన రాసలీలల బాగోతం బయటపడింది. 

వివరాల్లోకి వెళితే.. తమిళ సినిమాలకు నటీనటులను ఎంపిక చేసే క్యాస్టింగ్ ప్రొడ్యూసర్ మోహన్ అనే వ్యక్తి.. తనతో పాటు తన స్నేహితురాలు, ఇంకా అనేకమంది యువతులను లైంగికంగా వేధించాడని బాధితురాలు ఆరోపించింది. 

సినీ ఛాన్సులు ఇస్తానని యువతులను వ్యభిచార రొంపిలోకి దించుతున్నాడని.. మోహన్ రాసలీలల బాగోతానికి సంబంధించిన వీడియోలు కూడా తన వద్ద వున్నాయని బాధితురాలు తెలిపింది. యువతులను లొంగదీసుకుని వారిని వాడుకుని వీడియోలను నెట్లో పోస్టు చేస్తానంటూ మోహన్ బెదిరించేవాడని.. బాధితురాలు ఆరోపించింది. 

కాగా... బాధితురాలి పేరును పోలీసులు బహిర్గతం చేయలేదు. ఆమె ఇచ్చిన ఫిర్యాదు మేరకు విచారణ జరుపుతున్నామని ఆధారాలను పరిశీలిస్తున్నట్లు పోలీసులు చెప్పారు. దాదాపు 50మంది యువతులను మోహన్ లైంగికంగా వేధించాడని విచారణలో వెల్లడి అయ్యింది. దీనిపై తగిన చర్యలు తీసుకుంటామని పోలీసులు చెప్తున్నారు.