నంద‌మూరి న‌టసింహం బాల‌కృష్ణ హీరోగా త‌మిళ ద‌ర్శ‌కుడు కె.ఎస్.ర‌వికుమార్ ద‌ర్శ‌క‌త్వంలో జై సింహా అనే సినిమా రూపొందిన విష‌యం తెలిసిందే. ఇప్పుడు వీరిద్ద‌రు క‌లిసి సినిమా చేయ‌నున్న విష‌యం తెలిసిందే. ప్ర‌స్తుతం ప్రీ ప్రొడ‌క్ష‌న్ వ‌ర్క్ జరుగుతోంది. ఈ చిత్రాన్ని సి.కె. ఎంట‌ర్టైన్మెంట్స్ బ్యానర్ పైన సి.క‌ళ్యాణ్ నిర్మిస్తున్నారు. ఈ నెల 17న ఈ సినిమాని ప్రారంభించ‌డానికి ఏర్పాట్లు చేస్తున్నారు.
ఈ సినిమా టైటిల్ రూల‌ర్ అంటూ వార్తలు వ‌స్తున్నాయి. దీనికి కార‌ణం ఏంటంటే... ఇటీవ‌ల ఫిల్మ్ ఛాంబ‌ర్లో సి.క‌ళ్యాణ్ ఈ టైటిల్‌ని రిజిష్ట‌ర్ చేయించారు. అందుచేత ఈ మూవీ కోస‌మే సి.క‌ళ్యాణ్ ఈ టైటిల్ రిజిష్ట‌ర్ చేయించార‌ని ప్రచారం జరుగుతోంది. అయితే.. బాల‌య్య బోయ‌పాటితో ఓ సినిమా చేయ‌నున్నాడు. బోయ‌పాటి గ‌తంలో రూల‌ర్ అనే టైటిల్‌తో సినిమా చేయాల‌నుకున్నారు.
బాల‌య్య, బోయ‌పాటి కాంబినేష‌న్లో రూపొందే సినిమాని కూడా సి.క‌ళ్యాణ్ నిర్మించ‌నున్నార‌ని వార్తలు వ‌స్తున్నాయి. అయితే... రూల‌ర్ టైటిల్ బాల‌య్య కె.ఎస్.ర‌వికుమార్ మూవీ కోస‌మ‌ని కొంద‌రంటుంటే.. కాదు బాల‌య్య - బోయ‌పాటి సినిమా కోసం అని మ‌రికొంద‌రు అంటున్నారు. అందుచేత సి.క‌ళ్యాణ్ రిజిష్ట‌ర్ చేయించిన టైటిల్ బాల‌య్య, కె.ఎస్.ర‌వికుమార్ మూవీ కోస‌మా..? లేక బాల‌య్య, బోయ‌పాటి మూవీ కోస‌మా..? అనేది తెలియాల్సి వుంది..!