అల్లు అర్జున్‌, బోయపాటి కాంబినేషన్‌లో సినిమాకు డేట్‌ ఫిక్సయింది. ఈనెల 17న షూటింగ్‌ ప్రారంభిస్తున్నట్లు తెలిసింది. ఇందుకు సంబంధించిన లొకేషన్ల కోసం ఇటీవలే బోయపాటి శ్రీను వివిధ ప్రాంతాలను పర్యటించి వచ్చారు. బాలకృష్ణతో రెండు సినిమాలు చేశాక.. అల్లు అర్జున్‌తో ఏ తరహా చిత్రం వుంటుందనే ఆసక్తి నెలకొంది. ఇందుకు సంబంధించిన సూచనలు అల్లు అరవింద్‌కూడా బోయపాటి ఇచ్చినట్లు తెలిసింది.
యూత్‌ఫుల్‌ లవ్‌ స్టోరీతో తెరకెక్కనున్న ఈ చిత్రం తర్వాత మరో సినిమాకు అల్లు అర్జున్‌ ప్లాన్‌ చేస్తున్నారు. వంశీపైడిపల్లి దర్శకత్వంలో ఆయన నటించేందుకు గ్రీన్‌ సిగ్నల్‌ ఇచ్చాడు. 'ఎవడు' వంటి భిన్నమైన కాన్సెప్ట్‌తో ముందుకు వచ్చిన వంశీపైడిపల్లి సరికొత్త కాన్సెప్ట్‌తో అల్లు అర్జున్‌ను మెప్పించారని తెలిసింది. ఈ సినిమాకు కృష్ణ ముకుంద మురారి అనే టైటిల్‌ కూడా పరిశీలనలో వుంది. బోయపాటి సినిమా తర్వాత వెంటనే ఆ చిత్రం వుంటుందని తెలుస్తోంది.