'రెడ్డిగారి కుర్రోళ్లంతా ఇట్టా రెచ్చిపోతే ఎలాగంటా' : దుమ్మురేపుతున్న పాయల్ (వీడియో)

తేజ దర్శకత్వంలో కాజల్ అగర్వాల్ ప్రధాన పాత్రధారిగా నిర్మించిన చిత్రం "సీత". ఈ చిత్రంలో ఈనెలలోనే ప్రేక్షకుల ముందుకురానుంది. ఈ చిత్రంలోని 'బుల్లెట్ బుల్‌రెడ్డి' ఐటమ్ సాంగ్‌ను బుధవారం ఉదయం రిలీజ్ చేశారు. ఇందులో పాయల్ రాజ్‌పుత్‌ అదిరిపోయే స్టెప్పులతో ఇరగదీసింది. అనూప్ రూబెన్స్ సంగీతం అందిచాడు. పాయల్‌పై చిత్రీకరించిన ఆ ఐటమ్ సాంగ్‌ను తాజాగా వదిలారు.

'బుల్లెట్టు మీదొచ్చే బుల్ రెడ్డి.. రాజ్ దూత్ మీదొచ్చే రామ్ రెడ్డి.. యమహా ఏసుకొచ్చే యాదిరెడ్డి.. బజాజ్ మీదొచ్చే బాల్ రెడ్డి.. రెడ్డిగారి కుర్రోళ్ళంతా ఇట్టా రెచ్చిపోతే ఎలాగంటా" అంటూ సాగే ఈ పాట హుషారెత్తిస్తోంది. నవ్వు తెప్పించే అంశాలకి మసాలాను జోడించి.. శృంగారభరితంగా వదిలిన ఈ పాట, తెరపై దుమ్మురేపేస్తుందనే అనిపిస్తోంది. 

మాస్‌కి కావాలసిన అంశాలు పాటలో పుష్కలంగా ఉండటం వలన, మాస్ ఏరియాల్లో ఈ పాట దూసుకుపోతుందని చెప్పొచ్చు. వచ్చేనెలలో ప్రేక్షకుల ముందుకు రానున్న ఈ సినిమా, సక్సెస్‌ను సాధించడం ఖాయమనే మాట ఫిల్మ్ నగర్లో వినిపిస్తోంది. ఈ చిత్రంలో కాజల్ అగర్వాల్ జోడీగా బెల్లంకొడ శ్రీనివాస్ నటిస్తున్నారు.