బిగ్‌బాస్ 3 ప్రారంభం అయ్యేది అప్పుడేనా..?

తెలుగు బుల్లితెరపై సంచలన రియాలిటీ షో అయిన బిగ్‌బాస్ త్వరలో ప్రసారం కాబోతోంది. తెలుగులో బిగ్‌బాస్ షో ఇప్పటికే రెండు సీజన్లను పూర్తి చేసుకుంది. త్వరలో మూడో సీజన్‌తో సందడి చేయనుంది. ఈ కార్యక్రమానికి సంబంధించి ఇప్పటికే "అధికారంతో నడిపే శక్తి గల వ్యక్తి ఎవరు" అనే డైలాగ్‌తో టీజర్‌ను కూజా రిలీజ్ చేసారు. గత రెండు సీజన్లలో ఎన్టీఆర్, నానీలు ఒక్కో ఏడాది హోస్ట్‌లుగా చేసారు. 

ఈ ఏడాది మళ్లీ హోస్ట్ మారనున్నాడని ఇప్పటికే సంకేతాలిచ్చారు. ఈ షో కోసం హోస్ట్‌గా నాగార్జున కన్ఫర్మ్ అవ్వగా.. కంటెస్టంట్‌ల లిస్ట్‌ కూడా రెడీ అయినట్లు తెలుస్తోంది. ఈ నేపథ్యంలో బిగ్‌బాస్ షో ప్రారంభానికి సంబంధించిన ఓ వార్త ఇప్పుడు సోషల్ మీడియాలో హల్‌చల్ చేస్తోంది. అదేమిటంటే బిగ్‌బాస్ సీజన్‌ 3 జూలై 21న ప్రారంభం కానునట్లు సమాచారం. 

గత రెండు సీజన్లకు ధీటుగా మూడో సీజన్ ఉండబోతోందని ఫిల్మ్‌నగర్‌లో టాక్ నడుస్తోంది. మరోవైపు కమల్‌హాసన్ హోస్ట్‌గా తమిళంలో బిగ్‌బాస్ 3 కార్యక్రమం ఈ నెల 23వ తేదీన ప్రారంభమైన సంగతి తెలిసిందే.