టాలీవుడ్ యంగ్ హీరో బెల్లంకొండ శ్రీనివాస్. హిందీలోకి అడుగుపెడుతున్నారు. గతంలో రాజమౌళి - ప్రభాస్ కాంబినేషన్‌లో వచ్చిన "ఛత్రపతి" చిత్రాన్ని వివి వినాయక్ దర్శకత్వంలో హిందీలోకి రీమేక్ చేస్తున్నారు. ఈ నేపథ్యంలో హీరోయిన్ రష్మిక మందన్నాతో తాను డేటింగ్‌లో ఉన్నట్టు వస్తున్న వార్తలపై స్పందించారు.
ఇలాంటి వార్తలు ఎలా సృష్టిస్తారంటూ ఆయన అసహనం వ్యక్తం చేశారు. ఆ వార్తల్లో రవ్వంత కూడా నిజం లేదన్నారు. రష్మిక, తాను మంచి స్నేహితులం మాత్రమే అని చెప్పారు. షూటింగ్ పనిపై ముంబైకి వెళ్లే సమయంలో ఎయిర్‌పోర్టులో కనిపించామని, అంతమాత్రాన డేటింగ్‌లో ఉన్నట్టుగా వార్తలు రాస్తారా అని ప్రశ్నించారు.
తాము అనుకోకుండా అలా కలుసుకున్నామని, ఇలాంటి సందర్భాలు చాలా తక్కువేనని తెలిపారు. అంతమాత్రానికే ఇలాంటి వార్తలు రాసేస్తారా? అని ఆయన ప్రశ్నించారు. తమ ఇద్దరి మధ్య ఉన్న రిలేషన్‌పై వస్తున్న వార్తలు పుకార్లేనని, వాటిని నమ్మవద్దని కోరారు.