హీరో కిరణ్ అబ్బవరం సినిమా హీరో అవుతాడ‌ని అనుకోలేదు. లోప‌ల కోరిక వున్నా ఇంత‌త్వ‌ర‌గా హీరో అయి ఇంటిలోవారికి పేరు తెస్తాన‌ని అస్స‌లు ఊహించ‌లేదంటున్నాడు. ఎస్‌.ఆర్‌. క‌ళ్యాణ‌మండ‌పం హిట్ అయ్యాక రెండు సినిమాలు చేశాడు. అవి ప్లాప్ అయ్యాయి. తాజాగా స‌మ్మ‌త‌మే సినిమా చేశాడు. జూన్ 24న విడుద‌ల‌కాబోతుంది. ప్ర‌మోష‌న్‌లో భాగంగా త‌న గురించి చెబుతున్నాడు.
- మాది రాయ‌ల‌సీమ. నేను పవన్ క‌ళ్యాణ్ వీరాభిమానిని. కాలేజీ ఎగ్గొట్టీ మ‌రీ సినిమాలు చూసేవాడిని. కాలేజీ వ‌చ్చాకే కో-ఎడ్యుకేష‌న్‌. నేను కాలేజీతో గుర్తింపు పొందాల‌ని రాష్‌గా వుండేవాడిని. అంద‌రూ నువ్వు తోపురా! అంటూ భ‌లే వున్నావంటూ.. పొగిడేవారు. అప్ప‌ట్లో 100 కేజీల బ‌రువు నాది. ఆ టైంలో వారు చెప్పిందే నిజ‌మ‌నుకుని.. ఓ అమ్మాయికి ప్ర‌బోజ్‌చేశా. ఒక‌సారి నీ ఫేస్ అద్దంలో చూసుకో అంటూ కిండ‌ల్ చేసింది. ఆ త‌ర్వాత అర్థ‌మ‌యింది. నా బాడీ అంత‌బాగోద‌ని. చుట్టుప‌క్క‌ల వారు చెప్పింది అబ‌ద్ద‌మ‌ని. దాంతో వెయిట్ త‌గ్గాను. ఇప్పుడు ఇలా స్లిమ్‌గా వున్నా. నేను హీరో అయ్యాక ఆ అమ్మాయికి మెసేజ్ పెట్టాను. నేను హీరోను. గుర్తుప‌ట్టావా! అని.. తెలుసు. నావ‌ల్లే నువ్వు హీరో అయ్యావ్ అంది.. అంటూ కాలేజీ జ్ఞాప‌కాలు గుర్తుచేసుకున్నాడు.