తమిళ స్టార్ హీరో విజయ్ బీస్ట్ సినిమా దళపతి ఫ్యాన్సుకు సమ్మర్ ట్రీట్ ఇవ్వనుంది. గతేడాది "మాస్టర్" మూవీతో సూపర్ హిట్ అందుకున్న విజయ్.. ఇపుడు నెల్సన్ దిలీప్ కుమార్ దర్శకత్వంలో "బీస్ట్" మూవీ చేస్తున్నారు. ఈ సినిమాలో విజయ్ సరసన మొదటి సారి పూజా హెగ్డే నటించారు. ఇప్పటికే షూటింగ్ పూర్తి చేసుకున్న ఈ చిత్రం తాజాగా విడుదలై క్లారిటీ ఇచ్చింది.
ఈ సినిమా ఏప్రిల్ 13న ప్రపంచవ్యాప్తంగా విడుదలకానుందని తెలిపింది టీమ్. ఇక. బీస్ట్ తెలుగు థియేట్రికల్ హక్కులు భారీ ధరకు అమ్ముడు పోయాయని అంటున్నారు. దీనికి కారణం ఉంది. ఆయన గత సినిమా మాస్టర్ తెలుగులో మంచి వసూళ్లను రాబట్టింది.
ఈ సినిమా 6 కోట్ల మేర బిజినెస్ చెయ్యగా.. దాదాపు 14 కోట్లు మేర వసూళ్లు అందుకొని తెలుగులో కూడా మంచి హిట్‌గా నిలిచింది. దీంతో ఆయన తాజాగా సినిమా బీస్ట్‌కు తెలుగులో మంచి డిమాండ్ ఏర్పడింది. ఈ సినిమా తెలుగు రైట్స్ 11 కోట్లకు అమ్ముడు అయ్యినట్లు టాక్ నడుస్తోంది.
ఇక బీస్ట్ ఏప్రిల్ 13న విడుదల చేస్తున్నట్లు ప్రకటించడంతో.. బాక్సాఫీస్ దగ్గర కెజిఎఫ్‌తో పోటీ పడాల్సి వస్తుంది. కన్నడ సంచలన చిత్రం కేజీఎఫ్: చాప్టర్ 2 ఏప్రిల్ 14న వస్తున్నట్లు ఎప్పుడో ప్రకటించారు. దీంతో ఒక రోజు గ్యాపులో ఈ రెండు చిత్రాలు బాక్సాఫీస్ దగ్గర పోటీ పడనున్నాయి.
బీస్ట్ తమిళనాడులో కేజీఎఫ్: చాప్టర్ 2ని డామినేట్ చేస్తుంది. కానీ సినిమా మిగతా అన్ని ప్రాంతాలలో మాత్రం కేజీఎఫ్‌ను డామినేట్ చేయోచ్చని అంటున్నారు.