టాలీవుడ్‌లో బాలయ్య బాబుకు ప్రత్యేకమైన స్థానం ఉంది. బాలయ్య బాబు తాజాగా నటించిన 'రూలర్' చిత్రంతో 105 చిత్రాలను పూర్తి చేసుకున్నారు. అయితే మెగాస్టార్ చిరంజీవితో సినిమాల విషయంలో అనేక సార్లు పోటీపడి గట్టి పోటీనిచ్చారు. వీరిద్దరి మధ్య పోటీ ఉన్నప్పటికీ స్నేహం ఏమాత్రం తగ్గలేదు. అలాగే నందమూరి వారసుడు జూ.ఎన్టీయార్, చిరంజీవి వారసుడు రామ్‌చరణ్ మంచి స్నేహితులే కాకుండా ఇప్పుడు కలిసి ఒకే చిత్రంలో నటిస్తున్నారు.
గతంలో కూడా చిరంజీవి, సీనియర్ ఎన్టీయార్‌తో కలిసి నటించిన సందర్భాలు ఉన్నాయి. అయితే చిరు, బాలయ్య బాబు కలిసి నటించిన సినిమా ఒక్కటి కూడా రాలేదు. రాజకీయాలలో వేర్వేరు పార్టీలలో ఉన్నా, సినిమాల పరంగా పోటీ ఉన్నా, వీరిద్దరి మధ్య ఆ స్నేహ వాతావరణం మాత్రం మారలేదు. అయితే గతంలో పవన్, బాలయ్య బాబు కలిసి ఉన్న ఫోటో ప్రస్తుతం సోషల్ మీడియాలో వైరల్‌గా మారింది.
పవన్ కళ్యాణ్ సుస్వాగతం చిత్రం ప్రారంభోత్సవానికి బాలకృష్ణ ముఖ్య అతిథిగా హాజరయ్యారు. ఆ వేడుకకు విక్టరీ వెంకటేష్, మెగాస్టార్ చిరు కూడా హాజరు కావడం విశేషం. ప్రస్తుతం వీరిద్దరూ రాజకీయంగా ప్రత్యర్ధులుగా రాజకీయాల్లో దూసుకుపోతున్నారు. కాగా వారిద్దరూ కలిసిన ఫోటో ప్రస్తుతం సోషల్ మీడియాలో వైరల్ అయ్యింది.