సత్యరాజ్ తలపై కాలు పెట్టడానికి రెండు రోజులు ఇబ్బందిపడ్జా: బాహుబలి ప్రభాస్
పెద్దస్టార్‌ అయిన సత్యరాజ్ ‘బాహుబలి’ చిత్రంలో నా కాలును తన తలపై పెట్టుకునే దృశ్యం చేయడానికి రెండు రోజులపాటు ఇబ్బంది పడ్డా. అయితే దర్శకుడి సహాయంతో అది పూర్తి చేశా’ అని బాహుబలి సినీ హీరో ప్రభాస్ అన్నారు. బాహుబలి-2 చిత్రం ప్రమోషన్‌లో భాగంగా ఆదివారం చెన
పెద్దస్టార్‌ అయిన సత్యరాజ్ ‘బాహుబలి’ చిత్రంలో నా కాలును తన తలపై పెట్టుకునే దృశ్యం చేయడానికి రెండు రోజులపాటు ఇబ్బంది పడ్డా. అయితే దర్శకుడి సహాయంతో అది పూర్తి చేశా’ అని బాహుబలి సినీ హీరో ప్రభాస్ అన్నారు. బాహుబలి-2 చిత్రం ప్రమోషన్‌లో భాగంగా ఆదివారం చెన్నయ్‌లో ఒక ప్రముఖ హోటల్‌లో నిర్వహించిన మీడియా సమావేశంలో ప్రభాస్ పాల్గొన్నారు. రాజమౌళి సృష్టించిన అద్భుత చిత్రం బాహుబలి. అందులో నటించడం గొప్ప అవకాశం. మొదటి భాగానికి అందించినట్లే.. రెండో భాగానికి విజయాన్ని అందించాలని ప్రేక్షకులను కోరుతున్నా. నేను తమిళనాడులోనే పుట్టా. ఏదో ఒకరోజు నేరుగా తమిళ చిత్రంలో నటిస్తా అని ప్రభాస్ చెప్పారు.
బాహుబలి చిత్రంలో ప్రేక్షకులను తీవ్ర భావోద్వేగంలో ముంచెత్తిన మూడు నాలుగు అద్బుత దృశ్యాల్లో మాహిష్మతి రాజ్య సేనాని కట్టప్ప అమరేంద్ర బాహుబలి పాదాన్ని తన తలపై పెట్టుకున్న దృశ్యం ఒకటి. ఆ దృశ్యాన్ని చూస్తున్నప్పుడు ప్రపంచ వ్యాప్తంగా కోట్లమంది ప్రేక్షకులు మూగపోయారంటే అతిశయోక్తికాదు. తన పాత్రలో అలాంటి దృశ్యం ఒకటుందని ప్రారంభంలో కట్టప్ప పాత్రధారి సత్యరాజ్‌కి చెప్పేందుకే రాజమౌళి భయపడ్డారని, ప్రభాస్‌కు ఆ బాధ్యత ఇచ్చారన్నది తెలిసిన విషయమే. నా పాదాన్ని మీ తలపై పెట్టే దృశ్యం సినిమాలో ఉందని ప్రభాస్ తడబడుతూనే తెప్పినప్పుడు ఇదీ సీన్ అంటే సత్యరాజ్ ఒక్క ఉదుటున ఉద్వేగంతో అరిచేశారని, సంతోషంగా ఆ పాత్రలో నటించేందుకు ఒప్పుకున్నారని ప్రభాస్ గతంలోనే చెప్పారు.