ప్రముఖ సినీ నటుడు, రచయిత, వైసీపీ నేత పోసాని కృష్ణ మురళిపై బేబీ నిర్మాత ఎస్కేఎన్ స్పందించారు. ఆయన డ్రామాలు నమ్మశక్యం కావట్లేదన్నారు. రాజకీయాలకు స్వస్తి పలుకుతున్నట్లు పోసాని మాటల్లో నిజమెంత అనేలా కామెంట్లు చేశారు.
"అందరికీ పోసాని మాటలు గుర్తుకొస్తున్నాయి. రాజకీయాల నుంచి విరమించుకున్నాను అని డ్రామా చేసేముందు.. మా అభిమాన నాయకుడి గురించి, ముఖ్యంగా వారి ఇంట్లోని పసిపిల్లల గురించి మాట్లాడిన నీచమైన సంస్కారం లేని వ్యాఖ్యలకు చింతిస్తున్నాను అనో .. లేదా క్షమించండి అనో అడిగి ఉంటే, మీ మాటలు నమ్మాలని అనిపించేది.
ఏదో ఒకసారి పొరపాటుగా మాట్లాడిన వ్యక్తి కాదు కదా మీరు.. ఎన్నోసార్లు ఎంతో నీచంగా మాట్లాడిన మాటలు మాకు ఇప్పటికీ గుర్తున్నాయి. అభిమానుల మనసు చాలా బాధపడింది. ఈ మాటలు వినలేక చెవులు మూసుకునేలా మమ్మల్ని చేశారు.
మీ ఒక్కరికే కాదు సార్, అందరివి కుటుంబాలే కదా.. ఎవరి పిల్లలైనా సరే పిల్లలే.. రాజకీయాల్లో విమర్శలు అనేవి చాలా సహజం కానీ వ్యక్తిగతంగా దిగజారుడు పదాలు మాట్లాడడం, కుటుంబాల మీద కామెంట్స్ చేసిన వారిని క్షమించకూడదు" అంటూ ఎస్కేఎన్ ఆసక్తికర వ్యాఖ్యలు చేశారు.
posani krishnamurali
ఇకపోతే పోసాని రాజకీయాలకు గుడ్‌బై చెప్పారు. ఇక తాను బతికి ఉన్నన్ని రోజులు.. జన్మలో రాజకీయాల గురించి మాట్లాడనని స్పష్టం చేశారు. వందశాతం తన కుటుంబం, పిల్లలు, భార్య కోసమే రాజకీయాలకు రాజీనామా చేశానని క్లారిటీ ఇచ్చారు.