సినిమాల్లో కొన్నింటికి జవాబులుండవు. చూసి ఆనందించాల్సిందే తప్పితే ఎలా జరిగింది... అదెట్లా ఇదెట్లా అంటే కుదరదు. ఏనుగు ధనుస్సును గట్టిగా లాగిపెడితే బాణం వేయడం జరిగిందా అని అడిగితే... జరుగుద్ది అదంతే... ఎంతో పెద్ద లోయలో జలపాతం పడుతుంటే అక్కడి నుంచి ఆకాశా
సినిమాల్లో కొన్నింటికి జవాబులుండవు. చూసి ఆనందించాల్సిందే తప్పితే ఎలా జరిగింది... అదెట్లా ఇదెట్లా అంటే కుదరదు. ఏనుగు ధనుస్సును గట్టిగా లాగిపెడితే బాణం వేయడం జరిగిందా అని అడిగితే... జరుగుద్ది అదంతే... ఎంతో పెద్ద లోయలో జలపాతం పడుతుంటే అక్కడి నుంచి ఆకాశాన్ని చూసే నున్నటి కొండను ప్రభాస్ ఎలా ఎక్కాడు అంటే ఎక్కగలడంతే... ఇలా సినిమాలో ఎన్నో అద్భుతాలు అవలీలగా జరిగిపోతుంటాయి. బాహుబలి బిగినింగ్ చిత్రం తర్వాత కట్టప్ప బాహుబలిని ఎందుకు చంపాడు అంటూ మొన్నటివరకూ ఒకటే ప్రశ్నపై చర్చ జరిగింది.
ఇప్పుడు కొత్తగా మరో ప్రశ్నపై చర్చ జరుగుతోంది. అదేమిటంటే... బాహుబలి ది బిగెనింగ్‌లో అమరేంద్ర బాహుబలి కుమారుడు శివుడు, దేవసేనను రాజకోట నుంచి తప్పించి తీసుకొస్తున్న క్రమంలో అడ్డు వచ్చిన భల్లాల దేవుడి కుమారుడు భద్రుడిని నరికి హతమారుస్తాడు. దాంతో శివుడు ఎవరో తెలిసిపోతుంది. ఐతే బాహుబలి-2 కన్‌క్లూజన్‌‍లో భల్లాల దేవుడు(రానా)కు పెళ్లయినట్లు చూపించలేదు.
కేవలం అమరేంద్ర బాహుబలి, ప్రేమ, మాహిష్మతి రాజ్యం చుట్టూ కథ తిరుగుతుంది. మరి భల్లాల దేవుడికి పెళ్లి కాకుండానే కొడుకు ఎలా పుట్టాడన్నది ఇప్పుడు ప్రశ్న. భల్లాల దేవుడు ఏమయినా అంతఃపురం కాంతతో రహస్య జీవితం గడిపాడా, అలా కాలు జారడం వల్ల భద్రుడు పుట్టాడా...? ఇలా చర్చ స్టార్టయింది. మరి దీన్ని జస్ట్ మాట్లాడుకుని వదిలేస్తారో లేదంటే మళ్లీ బాహుబలి 3 అంటారో వెయిట్ అండ్ సీ.