హాస్యం - హార్రర్ కథాంశంతో 'అత్తారిల్లు'... ఫస్ట్ లుక్‌ విడుదల
అంజన్‌ కళ్యాణ్‌ ఆర్ట్‌ క్రియేషన్స్‌ బ్యానర్‌పై మెలోడీ బ్రహ్మ మణిశర్మ నేపథ్య సంగీతంలో అంజన్‌ కే కళ్యాణ్‌ నిర్మిస్తూ దర్శకత్వం వహిస్తున్న చిత్రం "అత్తారిల్లు".
అంజన్‌ కళ్యాణ్‌ ఆర్ట్‌ క్రియేషన్స్‌ బ్యానర్‌పై మెలోడీ బ్రహ్మ మణిశర్మ నేపథ్య సంగీతంలో అంజన్‌ కే కళ్యాణ్‌ నిర్మిస్తూ దర్శకత్వం వహిస్తున్న చిత్రం "అత్తారిల్లు". అంతా కొత్త నటీనటుతో రూపొందిన ఈ హర్రర్‌ కామెడీ చిత్రం ఇటీవలే సెన్సార్‌ పూర్తి చేసుకుంది. ఈ సందర్భంగా ఈ చిత్ర ఫస్ట్ లుక్‌ను విడుదల చేశారు.
దర్శక నిర్మాత అంజన్‌ కే కళ్యాణ్‌ మాట్లాడుతూ... ‘స్వతహాగా చిత్రకారుడినైన నేను సినిమా మీదున్న ఆసక్తితో యానిమేషన్‌ నేర్చుకొని తద్వారా క్రియేటివ్‌ డైరెక్టర్‌ క్రిష్ణవంశీ గారి సినిమాకు స్టోరీబోర్డ్‌ ఆర్టిస్ట్‌గా, అసోసియేట్‌ డైరెక్టర్‌గా 7 సంవత్సరాలు, శ్యాం ప్రసాద్‌ రెడ్డి గారి ‘అరుంధతి’ సినిమాకు స్క్రిప్ట్‌ వర్క్‌లో పాలుపంచుకున్నాను. రాంగోపాల్‌ వర్మ 'రక్త చరిత్ర', 'అప్పల‌రాజు' చిత్రాల‌కు క్రియేటివ్‌ సైడ్‌ పనిచేసిన నేను ‘అత్తారిల్లు’ కథ రాసుకుని 18 సంవత్సరాల ఆశయాన్ని కసిగా చేసి రూపొందించిన చిత్రమే ఈ ‘అత్తారిల్లు’.
మణిశర్మ గారికి ఈ సినిమా నచ్చి అద్భుతమైన బ్యాక్‌ గ్రౌండ్‌ మ్యూజిక్‌ ఇచ్చారు. కడుపుబ్బ నవ్వించే కామెడీ, భయపెట్టించే థ్రిల్స్‌, డెన్నిస్‌ నార్టన్‌ సంగీతంలో వినసొంపైన రెండు మంచి పాటల‌తో పాటు ఎన్నో ఎంటర్‌టైన్‌మెంట్‌ అంశాలున్న ఈ చిత్రాన్ని త్వరలో విడుదల‌కు సిద్ధం చేస్తున్నాం. ఇటీవల తెలుగు ప్రేక్షకుల్లో వచ్చిన మార్పు చాలా సంతోషాన్నిచ్చింది. కథ, కథన బలాల ముందు ఏదీ పనిచెయ్యదని సక్సెస్‌ అయిన చిన్న సినిమాలు నిరూపించాయి. ఈ విష‌యాన్ని ‘అత్తారిల్లు’ మరోసారి రుజువు చేస్తుంది అన్నారు.