4 పాటలతో 'అరవింద సమేత' ఆడియో జ్యూక్‌బాక్స్ ... పెనివిటి సాంగే హైలెట్

జూనియర్ ఎన్టీఆర్ హీరోగా నటిస్తున్న చిత్రం అరవింద సమేత వీరరాఘవ. ఈ చిత్రానికి త్రివిక్రమ్ శ్రీనివాస్ దర్శకత్వం వహిస్తున్నారు. ఈ చిత్రం వచ్చేనెల 11వ తేదీన దసరా కానుకగా ప్రేక్షకుల ముందుకురానుంది.

జూనియర్ ఎన్టీఆర్ హీరోగా నటిస్తున్న చిత్రం అరవింద సమేత వీరరాఘవ. ఈ చిత్రానికి త్రివిక్రమ్ శ్రీనివాస్ దర్శకత్వం వహిస్తున్నారు. ఈ చిత్రం వచ్చేనెల 11వ తేదీన దసరా కానుకగా ప్రేక్షకుల ముందుకురానుంది. ప్ర‌స్తుతం చిత్రానికి సంబంధించి సాంగ్ చిత్రీక‌రణ జ‌రుగుతున్న‌ట్టు స‌మాచారం. అయితే ఇటీవ‌ల చిత్రానికి సంబంధించిన రెండు సాంగ్స్ విడుద‌ల చేయ‌గా వీటికి సూప‌ర్భ్ రెస్పాన్స్ వ‌చ్చింది.

ఎస్.ఎస్. థమన్ సంగీత బాణీలు సమకూర్చిన ఈ చిత్రంలోని మిగిలిన పాటల కోసం సంగీత‌ప్రియులు ఎంతో ఆసక్తిగా ఎదురు చూస్తున్నారు. ఈ నేపథ్యంలో గురువారం సాయంత్రం యూట్యూబ్‌లో ఆడియో జ్యూక్ బాక్స్ విడుద‌ల చేశారు. కేవ‌లం నాలుగు పాట‌ల‌తో కూడిన జ్యూక్ బాక్స్‌కి అద్భుతమైన స్పందన వస్తోంది. 

ఈ ఆడియోలో 'ఏడ పోయినాడో.., అనగనగనగా, పెనివిటి, రెడ్డి ఇక్కడ సూడు' అనే పాటలు ఉన్నాయి. రిలీజ్‌కి కొద్ది రోజుల ముందు ప్రీ రిలీజ్ వేడుక‌ని ఘ‌నంగా నిర్వ‌హించి సినిమాపై ఆస‌క్తిని పెంచాల‌ని టీం భావిస్తుంద‌ట‌. హారికా అండ్ హాసిని క్రియేషన్స్ బ్యానర్‌పై రూపొందుతున్న ఈ చిత్రంలో పూజా హెగ్డే, ఈషారెబ్బా హీరోయిన్లుగా నటిస్తున్నారు. జ‌గ‌ప‌తి బాబు, నాగ బాబు త‌దిత‌రులు ముఖ్య పాత్ర‌ల‌లో క‌నిపించ‌నున్నారు.