డిటెక్టివ్ డైరక్టర్ నుంచి వస్తోన్న ‘మిస్కిన్ సైకో’

Miskin Psycho

నిత్యామీన‌న్‌, అదితిరావు హైద‌రి, ఉద‌య‌నిధి స్టాలిన్ ప్ర‌ధాన పాత్ర‌ధారులుగా రూపొందిన చిత్రం  ‘మిస్కిన్ సైకో’. డీఎస్ సినిమాస్ ప‌తాకంపై డి.శ్రీనివాస్ రెడ్డి ఈ చిత్రాన్ని తెలుగు ప్రేక్షకులను అందిస్తున్నారు. ‘పిశాచి, డిటెక్టివ్’ వంటి సూప‌ర్ హిట్ చిత్రాల‌ను ప్రేక్ష‌కుల‌కు అందించిన ద‌ర్శ‌కుడు మిస్కిన్ నుంచి వ‌స్తున్న మ‌రో సస్పెన్స్ థ్రిల్ల‌ర్ మూవీ ఇది. మ్యాస్ట్రో ఇళ‌యరాజా సంగీత సార‌థ్యం వ‌హించారు. 

సంక్రాంతి సంద‌ర్భంగా ఈ సినిమా టైటిల్ పోస్ట‌ర్‌ను రిలీజ్ చేశారు. ఈ సంద‌ర్భంగా.. నిర్మాత డి.శ్రీనివాస్ రెడ్డి మాట్లాడుతూ ‘‘వైవిధ్యమైన చిత్రాలను తెలుగు ప్రేక్షకులు ఎప్పుడూ ఆద‌రిస్తారు. కొత్తదనాన్ని కోరుకునే తెలుగు సినీ ప్రేక్ష‌కుల కోసం ‘మిస్కిన్ సైకో’ చిత్రాన్ని థియేట‌ర్స్‌లోకి తీసుకువ‌స్తున్నాం. త్వ‌ర‌లోనే రిలీజ్ డేట్‌ను అనౌన్స్ చేస్తాం’’ అన్నారు.