టాలీవుడ్, కోలీవుడ్‌లలో క్రేజీ బ్యూటీగా వెలుగుతున్న బ్యూటీ అంజలి. ఆ మధ్య అమ్మడుకు పిన్ని పుణ్యమా అంటూ అవకాశాలు తగ్గాయి. అయితే ఇటీవల మళ్లీ అంజలి క్రీజ్‌పైకి వచ్చింది. వరుసగా ఆఫర్లు వస్తున్నాయి. ఈ విషయం పక్కనపెడితే, అంజలి గురించి కోలీవుడ్‌లో ఒక ఉదంతం చెలరేగింది. అంజలికి అమెరికాలో ప్రియుడు ఉన్నాడంటూ తమిళ ఇండస్ట్రీ అంతా కోడై కూసింది.
అందుకే అమ్మడు అప్పుడప్పుడు అమెరికా వెళ్లివస్తోందనే వార్తలు గుప్పుమన్నాయి. ఈ విషయాన్ని మరికొంత పెచ్చిన అక్కడి మీడియాలు అమెరికా ప్రియుడితో అంజలికి పెళ్లి కూడా జరిగిందని, ఒక బిడ్డ కూడా ఉన్నాడంటూ వార్తలు ప్రచురించింది. దీంతో షాక్ తిన్న అంజలి స్పందించింది. తన అమెరికా ప్రియుడి విషయాన్ని బట్టబయలు చేసింది. తనకు అమెరికాలో ప్రియుడు ఉన్నాడనే వార్తలో అసలు నిజం ఏమాత్రం లేదని తేల్చి చెప్పింది.
తాను తెలుగులో నటిస్తున్న 'చిత్రాంగద' షూటింగ్ కోసమే అమెరికా వెళుతున్నట్టు తెలిపింది. కామెడీ మూవీల అశోక్ దర్శకత్వంలో గంగపట్నం శ్రీధర్ నిర్మిస్తున్న చిత్రాంగద షూటింగ్‌ను అమెరికాలో ఎక్కువ శాతం చిత్రీకరించినట్లు తెలిపింది. అందుకోసమే తాను అక్కడికి వెళ్లినట్లు తెలిపింది. యూరప్, కేరళల్లో చిత్రీకరించే పాటలతో సినిమా పూర్తవుతుందనీ, వేసవిలో చిత్రాన్ని విడుదల చేస్తామని నిర్మాత తెలిపారు. కాగా ఉదంతాలు మంచివి అని, అయినా మితీమీరి ఉదంతాలను సృష్టించడం సరికాదని అంజలి ఆగ్రహం వ్యక్తం చేసింది.