జబర్దస్త్‌ యాంకర్‌గానే గుర్తింపు.. సినిమాలు, సీరియళ్లు బోనస్: అనసూయ

యాంకరింగ్ చేస్తూ సినీ అవకాశాలు సొంతం చేసుకున్న యాంకర్లలో అనసూయ ఒకరు. యాంకరింగ్ తనకు లైఫ్ ఇచ్చిందని.. ఆ తర్వాతే తనకు సినిమాల్లో అవకాశాలు లభించాయని అనసూయ చెప్పుకొచ్చింది. శ్రీశైల మల్లికార్జునుడిని దర్శి

యాంకరింగ్ చేస్తూ సినీ అవకాశాలు సొంతం చేసుకున్న యాంకర్లలో అనసూయ ఒకరు. యాంకరింగ్ తనకు లైఫ్ ఇచ్చిందని.. ఆ తర్వాతే తనకు సినిమాల్లో అవకాశాలు లభించాయని అనసూయ చెప్పుకొచ్చింది. శ్రీశైల మల్లికార్జునుడిని దర్శించుకునేందుకు వచ్చారు. అనసూయను చూసిన అభిమానులు, భక్తులు ఆమెతో సెల్ఫీలు, ఫోటోలు దిగేందుకు ఆసక్తి చూపించారు. 

అనసూయ సైతం తన అభిమానులతో కాసేపు సరదాగా గడిపారు. అనంతరం మీడియాతో మాట్లాడుతూ, జబర్దస్త్ ప్రోగ్రామ్ తోనే తనకు మంచి గుర్తింపు లభించిందని.. ఆ కార్యక్రమాన్ని ఎప్పటికీ మరిచిపోలేనని చెప్పుకొచ్చింది. 

తనకు టీవీ యాంకర్ గానే గుర్తింపు వచ్చిందని, సినిమా అవకాశాలు ఆపైనే దక్కాయని అనసూయ గుర్తు చేసుకుంది. మల్లన్నకు రుద్రాభిషేకం, ఆపై భ్రమరాంబకు కుంకుమార్చన జరిపించిన అనసూయ యాంకరింగ్‌తో వచ్చిన గుర్తింపు ద్వారా సినిమాలు, సీరియల్స్ తనకు బోనస్‌గా లభించాయంది. కానీ, యాంకర్ గానే ప్రేక్షకులకు దగ్గరయ్యానని వెల్లడించింది. తెలుగు రాష్ట్రాల్లో తనకెంతో మంది అభిమానులున్నారని వెల్లడించింది.