'బుట్టబొమ్మ' మాయలో నెటిజన్లు.. సోషల్ మీడియా షేక్

అల్లు అర్జున్ - త్రివిక్రమ్ శ్రీనివాస్ కాంబినేషన్‌లో వచ్చిన చిత్రం 'అల వైకుంఠపురములో'. పూజా హెగ్డే హీరోయిన్. నిర్మాతలు అల్లు అరవింద్, చినబాబులు కలిసి సంయుక్తంగా ఈ చిత్రాన్ని నిర్మించారు. ఈ చిత్రంలో గత సంక్రాంతికి ప్రేక్షకుల ముందుకు వచ్చి, బ్లాక్‌బస్టర్ హిట్ కొట్టేసింది. 

ముఖ్యంగా, ఈ చిత్రంలోని ప్రతి పాటా సూపర్ హిట్టే. థమన్ సంగీత బాణీలు సమకూర్చాడు. ఈ చిత్రంలోని పాటలన్నీ యూత్‌ను ఓ ఊపు ఊపాయి. ముఖ్యంగా, బుట్టబొమ్మ, రాములో రాములా, సామజవరగమన పాటలు ఇండస్ట్రీలో పెను సంచలనమే రేపాయి. 

అయితే, 'బుట్టబొమ్మా' అనే ఫుల్ వీడియో సాంగ్‌ను ఇటీవల యూట్యూబ్‌లో విడుదల చేశారు. యూట్యూబ్‌లో ఈ పాట ఒక రేంజ్‌లో దూసుకుపోతోంది. ఈ పాట 100 మిలియన్ వ్యూస్‌ను సొంతం చేసుకున్న ఈ సాంగ్, అరుదైన ఘనతను సాధించింది. 

అంటే 10 కోట్ల మంది ఈ పాటను వీక్షించారన్న మాట. ఈ పాటకి 1 మిలియన్ లైక్స్ లభించడం మరో విశేషం. స్వరకల్పన .. సాహిత్యం .. కొరియోగ్రఫీ .. ఆలాపన .. చిత్రీకరణ .. ఇలా అన్నీ కుదిరిన కారణంగానే ఈ సాంగ్ ఈ రేంజ్‌లో ఆకట్టుకుంటోందనే అభిప్రాయాలు వ్యక్తమవుతున్నాయి.