ఆ హీరోయిన్ నా కుమార్తెలాంటిది : నిర్మాత అల్లు అరవింద్

తెలుగు చిత్రపరిశ్రమలోని ప్రముఖ నిర్మాతల్లో అల్లు అరవింద్ ఒకరు. గీతా ఆర్ట్స్ బ్యానరుపై అనేక హిట్ చిత్రాలను నిర్మించారు. ప్రస్తుతం గీతా ఆర్ట్స్-2 పతాకంపై యంగ్ హీరోలతో చిత్రాలు నిర్మిస్తూ హిట్లు కొడుతున్నారు. ఈ క్రమంలో హీరోయిన్ సాయిపల్లవిపై ఆయన ప్రశంల వర్షం కురిపించారు. సాయిపల్లవి తనకు కుమార్తె లాంటివారన్నారు. సాయి పల్లవి తనకు కుమార్తె వంటివారని, తనకు ఓ కుమార్తె ఉంటే ఆమె‌లానే ఉంటుందని ఫీల్ అవుతానని చెప్పారు. అమరన్ చిత్రంలో ఆమె నటన చూసి భావోద్వేగానికి లోనైనట్టు చెప్పారు. 

అలాగే, ప్రతి సంక్రాంతికి మన సినిమా రావాలని అందరికీ ఉంటుందని, కానీ సంక్రాంతికి మూడు పెద్ద సినిమాలు ఉన్నాయని తెలిపారు. ఈ సినిమాకు మేము సోలో రిలీజ్ కావాలని కోరుతున్నట్టు చెప్పారు. థియేటర్స్ మా సినిమాకు షేర్ అవ్వకూడదు, ఫస్ట్ వీకెండ్ ఫస్ట్ డే ఓపెనింగ్స్ వెరీ ఇంపార్టెంట్ అని, అందుకే మాకు ఎలాంటి అపోజిషన్ లేకుండా ఉండాలని, అనేక లెక్కలు వేసుకుని ఈ డేట్ ఫిక్స్ చేసినట్టు చెప్పారు. 

మేము చెప్పకుండానే "తండేల్" సంక్రాంతికి వస్తుందని కొందరు ఫిక్స్ అయిపోయారని, నిజానికి డిసెంబరు 20వ తేదీన రిలీజ్ అనుకున్నామనీ, పండుగకు పెద్ద సినిమాలు కూడా వస్తాయి కదా.. అప్పుడు కూడా రిలీజ్ చేయ్యెచ్చు కదా అని కొందరు అన్నారని గుర్తు చేశారు. మరికొన్ని సినిమాలు పండుగకు వస్తున్నాయి కాబట్టి .. పద్దతులు పాటించాలన్నారు. ఫిబ్రవరి 7న సినిమాను విడుదల చేస్తున్నట్టు తెలిపారు.