ప్రభాస్ హీరోగా బాలీవుడ్ డైరెక్టర్ ఓంరౌత్ దర్శకత్వంలో తెరకెక్కుతున్న పాన్ ఇండియా మూవీ "ఆదిపురుష్". ఈ చిత్రం ట్రైలర్ ఈ నెల 9వ తేదీన విడుదలకానుంది. ఆ రోజున భారత్‌తో పాటు 70 దేశాల్లో ఒకేసారి ట్రైలర్‌ను ఆవిష్కరించనున్నారు. అలాగే, ఈ చిత్రాన్ని జూన్ 16వ తేదీన విడుదల చేయనున్నారు.
ఇందులో రాముడుగా ప్రభాస్, సీతగా కృతి సనన్, రావణాసురుడిగా సైఫ్ అలీఖాన్‌లు నటించారు. త్రీడీ ఫార్మెట్‌లో పలు భాషల్లో తెరకెక్కించారు. రామాయణం ఆధారంగా తెరకెక్కుతున్న ఈ చిత్రంపై ప్రభాస్ ఎన్నో అంచనాలు పెట్టుకున్నారు. ఇప్పటికే ప్రమోషన్స్ ప్రారభించి, వరుసగా కొత్తకొత్త పోస్టర్లను రిలీజ్ చేస్తుంది.
ఈ నేపథ్యంలో ఈ నెల 9వ తేదీన ఆదిపురుష్ ట్రైలర్‌ను భారత్, అమెరికా, కెనడా, సింగపూర్, ఇండోనేషియా, థాయ్‌లాండ్, మలేషియా, హాంకాంగ్, ఫిలిప్పీన్స్, మయన్మార్, శ్రీలంక, జపాన్, ఆస్ట్రేలియా, న్యూజిలాండ్, ఆఫ్రికా, యూకే, రష్యా తదితర దేశాల్లో ట్రైలర్ లాంచింగ్ ఈవెంట్‌ను నిర్వహిస్తున్నారు. ఈ మూవీని యూవీ క్రియేషన్స్, టీ సిరీస్ సంస్థలు కలిసి నిర్మించాయి.