ఇటీవలికాలంలో తరచుగా వివాదాల్లో చిక్కుకుంటున్న సినీ నట కల్పిక తాగా మరోమారు వివాదంలో చిక్కుకుంది. నగర శివారులోని ఓ రిసార్టులోనూ ఆమె హంగామా సృష్టించారు. హైదరాబాద్ నగర శివారు ప్రాంతమైన మొయినాబాద్ మండలం కనకమామిడి రెవెన్యూలోని బ్రౌన్ టౌన్ రిసార్టుకు సోమవారం మధ్యాహ్నం వచ్చిన ఆమె ఓ గదిలోకి వెళ్లి భోజనం చేశారు.
ఆ తర్వాత సాయంత్రం వరకు అక్కడే ఉన్న ఆమె... పొద్దుపోయిన తర్వాత సిగరెట్లు కావాలంటూ రిసెప్షన్ సిబ్బందిని కోరింది. సిబ్బంది నుంచి ఎలాంటి స్పందన లేకపోవడంతో రిసెప్షన్‌కు వెళ్లి ఆగ్రహం వ్యక్తం చేసింది. మేనేజరు కృష్ణపై చిందులు వేసింది. గదిలో వైఫై లేదు.. ఇతరత్రా సౌకర్యాలు లేవు. కనీసం సిగరెట్లు తెచ్చివ్వమంటే తేలేదంటూ హంగామా చేసింది.
ఇక్కడ ఉండలేనంటూ గది తాళాలను విసిరేసింది. గంటపాటు హంగామా చేసి నగరానికి వెళ్లిపోయింది. తన పట్ల రిసార్టు సిబ్బంది అసభ్యంగా వ్యవహరించారంటూ మంగళవారం ఆమె ఓ వీడియో విడుదల చేసింది. ఈ ఘటనపై తమకు ఎలాంటి ఫిర్యాదు అందలేదని మొయినాబాద్ ఇన్‌స్పెక్టర్ పవన్ కుమార్ రెడ్డి తెలిపారు.