జయహో బాహుబలి.. యాక్షన్ కింగ్ అర్జున్ ప్రశంసల జల్లు.. ట్విట్టర్లో ఫోటోలు

బాహుబలి-2' మూవీ భారతీయ సినీ చరిత్రలో సరికొత్త అధ్యాయాన్ని నమోదు చేసింది. రూ. 1000 కోట్ల మార్కును అందుకుని సరికొత్త రికార్డును సృష్టించిన సంగతి తెలిసిందే. ఏప్రిల్ 28న విడుదలైన ఈ సినిమా 9వ రోజుకే రూ.వెయ

బాహుబలి-2' మూవీ భారతీయ సినీ చరిత్రలో సరికొత్త అధ్యాయాన్ని నమోదు చేసింది. రూ. 1000 కోట్ల మార్కును అందుకుని సరికొత్త రికార్డును సృష్టించిన సంగతి తెలిసిందే. ఏప్రిల్ 28న విడుదలైన ఈ సినిమా 9వ రోజుకే రూ.వెయ్యి కోట్ల రికార్డును అందుకోవడం విశేషం. ఈ నేపథ్యంలో సంచలనాలు సృష్టిస్తున్న బాహుబలి 2 సినిమాపై ప్రశంసల వర్షం కురుస్తూనే ఉంది. 

భాష, ప్రాంతం అనే తేడా లేకుండా ప్రతి ఒక్కరు బాహుబలిని ఆకాశానికెత్తేస్తున్నారు. తాజాగా యాక్షన్ కింగ్ అర్జున్, తన కూతురు ఐశ్వర్య ట్విట్టర్‌లో బాహుబలిపై పొగడ్తలు కురిపించారు. ఈ చిత్రం సాధించిన విజయానికి అర్జున్.. టీం సభ్యులను అభినందనలు తెలియజేశాడు. 

ఇక అమరేంద్ర బాహుబలిగా నటించిన ప్రభాస్‌ని స్వీట్ హార్ట్ అని కొనియాడాడు. మంచి మనసున్న వ్యక్తి, హ్యాండ్ సమ్ గై అని సంబోధించి..  జయహో బాహుబలి అంటూ ట్వీట్ చేశాడు. ఈ క్రమంలోనే అర్జున్, ఐశ్వర్య బాహుబలి 2 చిత్ర షూటింగ్ సమయంలో ప్రభాస్, అనుష్క, రాజమౌళితో కలిసి దిగిన ఫోటోలను కూడా షేర్ చేశారు. ఈ ఫోటోలు ప్రస్తుతం నెట్లో వైరల్ అయ్యాయి.