పాన్ ఇండియా స్టార్స్ ప్రభాస్-దీపికా పదుకొణె నటించిన 'కల్కి 2898 AD' చిత్రం గత నెలలో తెరపైకి వచ్చి బాక్సాఫీస్ వద్ద వసూళ్లు రాబడుతోంది. అయితే తాజాగా "మత గ్రంథాలను తప్పుగా చిత్రీకరించడం"పై చట్టపరమైన వివాదంలో పడింది కల్కి.
శ్రీ కల్కి ధామ్‌లోని కల్కి పీఠాధీశ్వరుడు ఆచార్య ప్రమోద్ కృష్ణం, దర్శకుడు, నిర్మాత, నటీనటులతో సహా చిత్రనిర్మాతలపై లీగల్ నోటీసులు జారీ చేశారు. భగవంతుడిని తప్పుగా చిత్రీకరించడం, వక్రీకరించడం కోసం.. కోసం బహిరంగ క్షమాపణలు చెప్పాలని డిమాండ్ చేశారు.
నోటీసులో వివరించిన చారిత్రక వైరుధ్యాలను సరిదిద్దే వరకు ఏదైనా ఓటీటీ ప్లాట్‌ఫారమ్ లేదా ఇతర మీడియా డిస్ట్రిబ్యూషన్ ఛానెల్‌లలో సినిమా పంపిణీ, ప్రచురణ నుండి దూరంగా ఉండాలని నోటీసు చిత్రనిర్మాతలను కోరింది.
చిత్రనిర్మాతలు 15 రోజుల్లోగా డిమాండ్‌లకు కట్టుబడి ఉండాలని, లేని పక్షంలో వారిపై సివిల్, క్రిమినల్ చర్యలు తీసుకుంటామని
ఆచార్య ప్రమోద్ తెలిపారు. లీగల్ నోటీసు వెనుక ఉద్దేశ్యం మేకర్స్‌ను ఇబ్బంది పెట్టడం లేదా వేధించడం కాదని, కళాత్మక సృజనాత్మకత పేరుతో మత విశ్వాసాలను దెబ్బతీయకుండా లేదా అణగదొక్కకుండా చూసుకోవడమేనని అన్నారు.
ఇదిలా ఉంటే, జూన్ 27న విడుదలైన కల్కి ఒక నెలలోపే 600 కోట్ల రూపాయలను వసూలు చేసింది. ఈ సంవత్సరం అతిపెద్ద హిట్‌లలో ఒకటిగా నిలిచింది.