హైదరాబాద్‌లో 65వ సౌత్ ఫిల్మ్ ఫేర్ అవార్డ్స్.. బాహుబలికి అవార్డుల పంట..

హైదరాబాద్‌‍లో 65వ సౌత్ ఫిల్మ్ ఫేర్ అవార్డ్స్ కార్యక్రమం అట్టహాసంగా జరుగనుంది. తెలుగు, త‌మిళ‌, కన్నడ, మలయాళ చిత్ర పరిశ్రమలకు చెందిన నటీనటులు ఈ కార్యక్రమంలో పెద్దఎత్తున పాల్గొన్నారు. తెలుగులో ''బాహుబ‌లి

హైదరాబాద్‌‍లో 65వ సౌత్ ఫిల్మ్ ఫేర్ అవార్డ్స్ కార్యక్రమం అట్టహాసంగా జరుగనుంది. తెలుగు, త‌మిళ‌, కన్నడ, మలయాళ చిత్ర పరిశ్రమలకు చెందిన నటీనటులు ఈ కార్యక్రమంలో పెద్దఎత్తున పాల్గొన్నారు. తెలుగులో ''బాహుబ‌లి-2'' చిత్రం 8 అవార్డులను కొల్లగొట్టగా, అర్జున్‌ రెడ్డి చిత్రానికిగాను ఉత్త‌మ నటుడిగా విజ‌య్ దేవ‌ర‌కొండ ఎంపికయ్యారు. నవరస నటనా సార్వభౌముడు కైకాల సత్యనారాయణకి లైఫ్‌ టైమ్‌ అచీవ్‌మెంట్‌ అవార్డును కైవసం చేసుకున్నారు. 

ఇక తెలుగులో ఉత్తమ చిత్రంగా బాహుబలి-2 నిలువగా, ఉత్తమ దర్శకుడిగా అదే చిత్రానికి గాను ఎస్ఎస్ రాజమౌళి అవార్డును అందుకున్నారు. ఉత్తమ నటుడిగా విజయ్ దేవరకొండ (అర్జున్ రెడ్డి), ఉత్తమనటిగా సాయిపల్లవి (ఫిదా), ఉత్తమ సహాయ నటిగా రమ్యకృష్ణ (బాహుబలి 2), ఉత్తమ సహాయ నటుడిగా రానా దగ్గుబాటి (బాహుబలి 2), ఉత్తమ నటి (తొలి పరిచయం)గా కల్యాణ్ ప్రియదర్శన్ (హలో) అవార్డులు పొందారు. 

ఉత్తమ సినిమాటోగ్రాఫర్‌గా సెంథిల్ కుమార్ (బాహుబలి 2), ఉత్తమ కొరియోగ్రాఫర్‌గా శేఖర్ మాస్టర్ (ఫిదా), ఉత్తమ గేయ రచయితగా ఎమ్ ఎమ్ కీరవాణి (బాహుబలి 2 - దండాలయ్యా పాటకు), ఉత్తమ నేపథ్య గాయకుడిగా హేమ చంద్ర (ఫిదా - ఊసుపోదు సాంగ్), ఉత్తమ నేపథ్య గాయనిగా మధు ప్రియ (ఫిదా - వచ్చిండే సాంగ్), ఉత్తమ సంగీత దర్శకుడిగా ఎమ్ ఎమ్ కీరవాణి (బాహుబలి 2), ఉత్తమ ప్రొడక్షన్ డిజైనర్‌గా సాబు సిరిల్ (బాహుబలి 2) అవార్డులు అందుకున్నారు.