#RRR చెర్రీ పుట్టిన రోజున రాజమౌళి సినిమా పోస్టర్ రిలీజ్ అవుతుందా?

#RRR అనే పేరిట ప్రముఖ దర్శకుడు రాజమౌళి తాజా సినిమాపై డీవీవీ వీడియో విడుదలైన సంగతి తెలిసిందే. దీంతో రామ్ చరణ్, జూనియర్ ఎన్టీఆర్ కాంబోలో మల్టీస్టారర్ సినిమాకు బాహుబలి తర్వాత జక్కన్న సై అన్నారని తేలిపోయి

#RRR అనే పేరిట ప్రముఖ దర్శకుడు రాజమౌళి తాజా సినిమాపై డీవీవీ వీడియో విడుదలైన సంగతి తెలిసిందే. దీంతో రామ్ చరణ్, జూనియర్ ఎన్టీఆర్ కాంబోలో మల్టీస్టారర్ సినిమాకు బాహుబలి తర్వాత జక్కన్న సై అన్నారని తేలిపోయింది. ఈ నేపథ్యంలో చరణ్ పుట్టిన రోజు ఈ నెల 27వ తేదీ కావడంతో.. #RRR సినిమాకు సంబంధించిన స్టిల్‌ను రాజమౌళి విడుదల చేస్తారని ఫిలిమ్ నగర్ వర్గాల్లో జోరుగా చర్చ సాగుతోంది. 

ఇటీవల అమెరికాలో జరిగిన టెస్ట్ షూట్ నుంచి ఆ స్టిల్ సోషల్ మీడియాలో విడుదలయ్యే అవకాశం వుందని సినీ పండితులు జోస్యం చెప్తున్నారు. బాహుబలి సమయంలో ఆర్టిస్టుల పుట్టిన రోజున వారికి సంబంధించిన స్టిల్స్‌ను రాజమౌళి రిలీజ్ చేశారు. ఇదే తంతు #RRR మూవీకి కూడా కొనసాగిస్తాడని టాక్

మరోవైపు చెర్రీ పుట్టిన రోజున మెగా ఫ్యాన్స్‌కు బంపర్ ట్రీట్ రెడీగా వున్నట్లు కూడా ప్రచారం సాగుతోంది. తాజాగా బోయపాటితో చరణ్ చేస్తోన్న మూవీ నుంచి కూడా ఒక పోస్టర్ మిస్టర్ సి బర్త్‌డేకి విడుదల కావొచ్చునని చెప్తున్నారు. 

ఇంకా ''సైరా'' సినిమాకి చరణ్ నిర్మాత కనుక, ఆ మూవీ నుంచి కూడా ఒక స్పెషల్ పోస్టర్ వచ్చే ఛాన్స్ వుందట. ఇక ముఖ్యంగా 'రంగస్థలం' నుంచి ట్రైలర్ రావడం ఖాయమని తెలుస్తోంది. ఇంకేముంది? మెగా అభిమానులకు ఇంతకి మించిన పండగేముంటుంది?