సినిమాలకు దూరంగా ఉండలేను.. అందుకే పెళ్లి రద్దు చేసుకున్నా: త్రిష

నటి త్రిష పెళ్లి పీటల వరకు వచ్చి ఆగిపోయిన విషయం తెల్సిందే. ఈ పెళ్లి ఆగిపోవడానికి కారణాలు ఇపుడు వెలుగులోకి వస్తున్నాయి. తనకు కాబోయే భర్త, పారిశ్రామికవేత్త వరుణ్ మణియన్‌ వద్ద... పెళ్లి అయిన తర్వాత కూడా

నటి త్రిష పెళ్లి పీటల వరకు వచ్చి ఆగిపోయిన విషయం తెల్సిందే. ఈ పెళ్లి ఆగిపోవడానికి కారణాలు ఇపుడు వెలుగులోకి వస్తున్నాయి. తనకు కాబోయే భర్త, పారిశ్రామికవేత్త వరుణ్ మణియన్‌ వద్ద... పెళ్లి అయిన తర్వాత కూడా నటిస్తానని గట్టిగానే చెప్పిందట. కానీ పెళ్ళికి ముందు ఓకే కానీ పెళ్లి తర్వాత మాత్రం కుదరదని వరుడు, అత్తింటివారు కరాఖండిగా, ఓ దశలో వార్నింగ్ ఇస్తున్నట్లుగా చెప్పడంతో నటనని వదులుకోవడం ఇష్టం లేని త్రిష ఆ పెళ్లిని రద్దు చేసుకుంది. 

దీనిపై త్రిష స్పందిస్తూ తనకు నటన అంటే అమితమైన ఇష్టం. జీవితాంతం నటిస్తూనే ఉంటా. ముఖ్యంగా.. నేను సినిమాలకు దూరంగా ఉండలేను. నా నటనకు అభ్యంతరం చెప్పని వాడు ఎదురైనప్పుడు అతడ్ని మాత్రమే పెళ్లి చేసుకుంటానని త్రిష చెప్పింది. కాగా, తమిళంలో ధనుష్ హీరోగా వచ్చిన 'కొడి' చిత్రం త్రిష ఓ హీరోయిన్. ఇది మంచి విజయాన్ని సొంతం చేసుకుంది. ఈ చిత్రం తెలుగులో 'ధర్మయోగి' పేరుతో రిలీజ్ అయింది.