టాలీవుడ్‌ యంగ్ హీరోయిన్ కృతి శెట్టికి ప్రస్తుతం ఆఫర్లు వెల్లువెత్తుతున్నాయి. ఉప్పెనతో కుర్రాళ్ల మనస్సలను దోచేసిన ఈ ముద్దుగుమ్మ.. ఆపై వరుస సినిమాలను ఒప్పేసుకుంటూ దూకుడు పెంచేసింది. తాజాగా ప్రేక్షకుల ముందుకు రావడానికి 'శ్యామ్ సింగ రాయ్' సిద్ధమవుతోంది.
ఇక సుధీర్ బాబు సరసన నాయికగా 'ఆ అమ్మాయి గురించి మీకు చెప్పాలి' ముగింపు దశలో ఉంది. ఇంద్రగంటి ఈ సినిమాకి దర్శకుడిగా వ్యవహరిస్తున్నాడు.
ఇక ఆ తరువాత నితిన్ జోడిగా 'మాచర్ల నియోజక వర్గం' .. చైతూ సరసన 'బంగార్రాజు'తో పాటు రామ్ జంటగా ఒక సినిమా చేస్తోంది. ఇలా వరుస సినిమాలతో బిజీగా ఉన్న ఆమె ఒక లేడీ ఓరియెంటెడ్ సినిమాకి గ్రీన్ సిగ్నల్ ఇచ్చిందనే టాక్ బలంగా వినిపిస్తోంది